Kryebashkiaku i Tiranës Erion Veliaj ka reaguar pas plagosjes së inspektorit të IMT-së Ilirjan Gavelli, të premtën, duke kërkuar dënim maksimal për autorin.
Veliaj kërkoi prej institucioneve të drejtësisë dënimin maksimal ndaj autorit Qani Muça që plagosi Gavellin pasi ky i fundit mori vendimin për t'i shembur shtëpinë. Sipas Veliajt, Muça ka edhe precedentë të mëparshëm kriminalë.
![](https://shqiptarja.com/template/img/NO_ALFA_Kuadrate shqiptarja.png)
“Shërim të shpejtë Ilirianit tonë të IMT pas plagosjes në krye të detyrës për infrastrukturën nga një person me precedent penal, tashmë në pranga! I kërkoj organeve të drejtësisë rreptësi maksimale për kriminelin që ngre dorë për shkak të detyrës ndaj punonjësve të shtetit! Prej 7 vitesh Bashkia e Tiranës nuk është tërhequr nga ASNJË projekt publik - as nga presidentët e lojtur, as nga rrugacët më famëkeq të vendit! Ta harrojnë se e ndalin dot zhvillimin e qytetit si kriminelët ordinerë ashtu dhe ordinerët e politikës që frymezojnë dhunën! Jam më i bindur se kurrë se shumica morale dhe e ndershme e qytetit - që as zapton e as dhunon - e do progresin dhe refuzon t'i nënshtrohet dhunës së rrugës e asaj politike! Ndaj dhe jam më i vendosur se kurrë t'i coj gjer në fund punët për një Tiranë që nuk ndalet!”, shtoi Veliaj.
Veliaj theksoi askush nuk mund ta ndalë zhvillimin e Tiranës, duke iu referuar edhe figurave politike që sipas tij frymëzojnë dhunën.
Ditët e fundit, Veliaj dhe Ilir Meta kanë pasur përplasje në distancë, që nisën me një postim të ish-presidentit në Facebook të Tiranës në vitin 1981 dhe në vitin 2021, për të treguar abuzimin me ndërtimet dhe ndotjen në kryeqytet. Mirëpo nuk është provuar se ajo e vitit 2021 është foto e Tiranës, pasi nuk identifikohet me asnjë lagje. Për këtë, Veliaj e ka akuzuar Metën se ka nostalgji për “Tiranën e spiunëve”, dhe poston foto të Kabulit për të akuzuar Bashkinë.
Lajmi kryesor:
IMT i shembi banesën se do ndërtohet rrethrrotullim, pronari qëllon me armë inspektorin! Dërgohet me urgjencë te 'Trauma'! Në pranga 52-vjeçari
![](https://www.shqiptarja.com/template/img/sh_logo1.png)