Kryetari i Bashkisë Tiranë, Erion Veliaj priti në takim ambasadoren Yuri Kim, në kuadër të së cilës u diskutua për rritjen e investimeve amerikanë në Shqipëri si dhe rimëkëmbjen e vendit pas tërmetit.
Në mesazhin e publikuar nga vetë ambasada e SHBA, theksohet se Yuri Kim diskutoi edhe mbi projektet që bashkia ka për zhvillimin e qytetit si dhe rritjen e punësimit të shqiptarëve dhe amerikanëve që ndodhe në Tiranë.
'Investimet amerikane në Shqipëri dhe krijimi i më shumë vendeve të punësimit për shqiptarët dhe amerikanët ishin temat që u diskutuan sot kur Ambasadorja e Shteteve të Bashkuara Yuri Kim u takua me Kryetarin e Bashkisë së Tiranës Erion Veliaj. Ambasadorja bisedoi gjithashtu me Kryebashkiakun Veliaj mbi përpjekjet e rimëkëmbjes pas tërmetit, si dhe për projektet e bashkisë për qytetin dhe qytetarët e saj' citohet në njoftimin e Ambasadës së SHBA-së në vendin tonë.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)