POP 5

Lajmet më të lexuara të 5 minutave të fundit

Politikë

Veliaj takon banorët e Liqenit të Thatë: Ata ju lanë pa asnjë shërbim, ne do bëjmë edhe Kopshtin Botanik dhe 2 shkolla të reja

Kryetari i Bashkisë së Tiranës, Erion Veliaj, ka vijuar ditën e sotme takimet me banorët e Liqenit të Thatë të cilët iu bashkuan edhe në mbjelljen e pemëve të reja që iu shtuan kësaj zone të gjelbëruar në kryeqytet.

Kryetari i Bashkisë së Tiranës, Erion Veliaj, ka vijuar ditën e sotme takimet me banorët e Liqenit të Thatë të cilët iu bashkuan edhe në mbjelljen e pemëve të reja që iu shtuan kësaj zone të gjelbëruar në kryeqytet. Gjatë bisedave me qytetarët që e kanë ndërtuar jetën në këtë lagje të re, por të urbanizuar e transformuar rrënjësisht vetëm në pak vite, Veliaj u kujtoi se si nga një ferrishte ku kundërmonte era e djegies së plehrave e plastikës, e pa asnjë shërbim, sot Njësia 13 ka vlerën më të lartë të pronës në kryeqytet.

“Mbaj mend ditën e parë të punës, ku pjesa këtej e liqenit që e kapte Farka ishte e gjitha me ato kioskat dhe ato kasollet që digjnin plastikë e mblidhnin plehra dhe kur mendoj që sot konsiderohet një ndër lagjet që ka më shumë rritje të vlerës së pronës, është vërtetë një mrekulli. Ishim tek një nga ato agjencitë imobliare dhe na tha se është zona që ka rritjen më të madhe të vlerës së pronës. Edhe ai që është sharësi më i madh e më profesionist, vetëm duke qëndruar, duke sharë, është bërë më i pasur. Unë besoj që punët e mira duhet t’i kemi përpara patjetër,” deklaroi Veliaj.

Kreu i Bashkisë tha se dëshmia më e mirë për të provuar se si me punë arrihet gjithçka, është Kopshti Zoologjik, teksa tha se e njëjtë me të do të bëhet gjatë këtij mandati të ardhshëm edhe Kopshti Botanik.

“Siç bëmë Kopshtin Zoologjik, e dhamë një provë, duhet të bëjmë edhe Kopshtin Botanik. Kopshti Botanik sot është kthyer në një ferrishte të madhe dhe ndërkohë kemi një super plan, siç bëmë Zoologjikun, me provë, fitoi Bashkia, pra fitoi gjithë qyteti, por fitoi edhe komuniteti këtu, se ka një parkim nëntokësor që s’e kishte përpara. A mjafton? Jo, nuk mjafton, por po të lejohemi të punojmë edhe atje, nëntokë e bëjmë parking, sipër lule, kështu që në njësinë tonë kemi edhe florën, edhe faunën, pra edhe kafshët, edhe lulet,” u shpreh më tej ai.

Kryetari i Bashkisë së Tiranës ndau me banorët e kësaj njësie edhe disa lajme të mira: “Loti i fundit i shkollave, veç dy shkollave në Astir dhe dy të tjerave në anën tjetër të Lanës, dy shkolla të reja janë planifikuar edhe në këtë njësi. E para është tek xhepi i Kopshtit Botanik, aty ku mbaron gardhi, jo brenda në Kopshtin Botanik, por në një tokë të Bashkisë, aty do jetë shkolla e re 9-vjeçare. Ndërkohë, sa në dalje të Parkut Olimpik, i gjithë ai sheshi që është liruar do jetë gjimnazi tashmë i quajtur “Dritëro Agolli”, në kujtim të poetit dhe të patriotit të madh. Besoj që me këto dy investime, plus edhe me gjithë rrjetin e rrugëve që jemi duke punuar, do të rritet ende më shumë vlera e pronës,” nënvizoi Veliaj.

Në fund ai e kishte një mesazh edhe për kandidatët e opozitës që garojnë në 14 Maj për Bashkinë e Tiranës.

“Në kohë fushate, thonë amerikanët, është pak si cirku në fshat. Në cirkun në fshat dalin gjithë kllounët që na përshëndesin. Do dëgjoni lloj - lloj çudirash. Këta e kishin Kopshtin Zoologjik. Në atë kohë hante luani patate. Gjëra të tilla që duken si përralla nga e kaluara nuk duken më. Qyteti është komplet një realitet tjetër. Kur vijnë këta dhe thonë çudirat, duhet t’ju kujtojmë që e kishin. Këtu ishte një xhep i Farkës, sot është kthyer njësia në shërbim të qytetarëve dhe qytetarët e kësaj zonë nuk do shkojnë më në Farkë për shërbime. Unë besoj se kush ka bërë 9 punë, bën dhe 10. Kush ka bërë 40 shkolla, bën dhe 44. Kush ka bërë 99 ndërhyrje dhe investime, bën dhe 101. Në këtë sens, propozimi që kam për njësinë tuaj është: Të ecim përpara, të vazhdojmë me punë pavarësisht gjithë sharjeve e gjithë çudirave”, përfundoi Veliaj.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Go green: 23/04/2023 23:56

    Duam Pemë e gjelbërim në Tiranën historike,jo në Farkë o Pinok!Mbill pemë te Diga e Liqenit edhe poshtë saj bëje Lulishte te rr.kosovareve!!

    Përgjigju
  • Listen!: 23/04/2023 22:46

    Ore Demagogu Makjavelist, për inat të atyre do i rimarrësh votat ti,por shumica Nuk voton kësaj rradhe, duhet një Mea Culpa për gjithë Betonin pa kriter!!!Duam Hapësira të Gjelbëra e Fusha sporti aty në Tiranë e Jo në Farkë e SallBastar?!Te Diga e Liqenit, duhet një Projekt si Digave Bebet Becit në Shkodër!!

    Përgjigju
  • Emigrant: 23/04/2023 18:16

    Ca flete o idjot ata vetem trevjete ndejten ne krye te bashkis Kurse ju dmth ti dhe edvini keni 20 vjete qe drejtoni bashkin e tiranes Boll me ju dhe ata te dyja partit te njejta jeni Hajduter Dhe shites te pasuris kombetare miqve dhe te huajve

    Përgjigju
  • Lala: 23/04/2023 15:52

    Po ketyre te astirit Kur do u best shkoll e cerdhe daku? Mandatin e 4?

    Përgjigju
  • Turi: 23/04/2023 15:13

    Mësuesit për ato shkollat 7 milionë euro secila shko merri nga Bangladeshi dhe Nepali o marskarai i Sorosit, se këtu ata që janë ngelësa në gjimnaz po shkojnë për mësuesi.

    Përgjigju
  • polici: 23/04/2023 14:56

    ti nuk po ben dot nje rruge aty, qe eshte bere lemsh vendi, jo ti do me be shkolla, se ske vend ku me e be njehere, por ti je ne stinen tende, te genjeshtrave e mashtrimeve

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rusia: Administrata amerikane në largim bën gjithçka për të minuar planin e Trump për paqe në Ukrainë

Rusia: Administrata amerikane në largim bën gjithçka për të minuar planin e Trump për paqe në Ukrainë

24 Nëntor, 17:52