POP 5

Lajmet më të lexuara të 5 minutave të fundit

Politikë

Veliaj vijon fushatën në Njësinë 9 në Tiranë: Kemi bërë sheshin më të bukur në Europë; Bulevardi Zogu i Parë ka vlerën më të lartë të pronës në Ballkan

Nga Njësia nr. 9 në Tiranë ku po vijon fushatën, kryebashkiaku Erion Veliaj u shpreh sot se falë investimeve të 8 viteve të fundit e gjithë zona është transformuar. Ai veçoi sheshin “Skënderbej”, i cili fitoi edhe çmimin evropian në vitin 2018, si sheshi më i bukur, por edhe Bulevardin Zogu i Parë, me vlerën e pronës më të lartë sot në Ballkan.

Nga Njësia nr. 9 në Tiranë ku po vijon fushatën, kryebashkiaku Erion Veliaj u shpreh sot se falë investimeve të 8 viteve të fundit e gjithë zona është transformuar. Ai veçoi sheshin “Skënderbej”, i cili fitoi edhe çmimin evropian në vitin 2018, si sheshi më i bukur, por edhe Bulevardin Zogu i Parë, me vlerën e pronës më të lartë sot në Ballkan.

“Sot, nga sheshi “Skënderbej” deri te Bulevardi i Ri, Zogu i Parë është transformuar në hapësirën numër 1 jo në Tiranë, jo në Republikë, por në Ballkan, për rritjen e vlerës së pronës falë punës, falë estetikës, falë pastërtisë, falë ndriçimit. Sheshi “Skënderbej” fitoi çmimin në vitin 2018 si sheshi më i bukur në Europë. Këta thonë: “Ta bëjmë edhe një gropë tjetër”. Nuk ka asnjë dyshim që këta ta bëjnë gropë. E pamë gropën e Hajdin Sejdisë te Sheshi “Skënderbej” për vite të tëra. Gropa në Gërdec mori 26 jetë njerëzish. Gropa të tjera si ajo te “Zogu i Zi” na kanë kushtuar miliona. Ju kujtohet nënkalimi te “Zogu i Zi”? E nisi administrata e Edi Ramës dhe Ogertës në Bashkinë e Tiranës dhe gjëja e parë që bënë këta, e prishën, këta dashnorët e nënkalimeve dhe gropave. Ju kujtohet “Astiri”, tre vjet gishtat përpjetë? Se tani nxjerrin gishtin e mesit, por në fillim nxirrnin dy gishta dhe thoshin “liri demokraci”, këtu nuk do ketë nënkalim. Sot duke filluar nga sheshi “Skënderbej” dhe deri aty ku unaza takohet me Njësinë 7, të gjitha copat, lagjet, rrugët, rrugicat kanë parë një transformimin dhe dorën e punës në këtë komunitet,” tha Veliaj.

Ai theksoi se vetëm në këtë njësi janë bërë 8 shkolla të reja, por kujtoi edhe përfaqësuesit e opozitës që penguan jo pak nga këto projekte.

“Kemi qenë në SPAK për “Sami Frashërin”. Shko në gjyq, protesto, varu te kangjellat, thoshin “do të vejë shkolla në Paskuqan”. Imagjinoni, na akuzojnë njerëz që nuk e dinë që Paskuqani është Bashki tjetër, në anën tjetër të këtij lumit. Ata ende nuk dinë ku është kufiri i Tiranës, le më të bëjnë ndonjë punë për Tiranën. Kështu që, sot, siç thonë tironsit, “kush na ka inot kështu na paftë përnot”, edhe Monika, edhe Jorida dhe të gjithë ata që protestojnë shkollat, sepse “Sami Frashëri” sot është një shkollë model,” u shpreh Veliaj.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 28/04/2023 19:26

    Pas 14 majit do vid populli dhe do haj dru o fashist serborus

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri (EMRI)

Theu masën e arrestit të shtëpisë, shpallet në kërkim 47 vjeçari nga Fieri (EMRI)

5 Nëntor, 13:13