Veliaj vlerësohet në Australi, Tirana mikpret Konferencën Botërore të Parqeve 2020

Veliaj vlerësohet në Australi, Tirana mikpret Konferencën Botërore të Parqeve 2020

Erion Veliaj

TIRANE- Kryetari i Bashkisë së Tiranës, Erion Veliaj mori një tjetër vlerësim, kësaj here në Australi, ku Tirana u përzgjodh si vendi organizator i Konferencës Botërore të Qyteteve dhe Parqeve Urbane 2020.

Transformimi i Tiranës në katër vitet e fundit, por sidomos i Parkut të Liqenit, në një kohë aq të shkurtër e me gjithë kundërshtitë për lodrat dhe ndërtimet pa leje aty, kanë bërë që kryeqytetit shqiptar t’i besohet organizimi për vitin e ardhshëm i këtij takimi të rëndësishëm, i cili këtë vit u mbajt në Australi. Parku i Liqenit të Tiranës është sot hapësira më e frekuentuar nga qytetarët e saj, me mbi 300 mijë përdorues. Po ashtu, ajo zonë cilësohet si mushkëria kryesore e kryeqytetit.

Teksa prezantoi disa nga nismat e suksesshme të ndërmarra nga Bashkia e Tiranës, kryebashkiaku Veliaj foli për rilindjen e Tiranës, vendosjen e fëmijëve në qendër të vëmendjes së qytetit dhe të gjitha investimet e bukura për ta, si kënde lojërash dhe parqe rekreative. Veliaj i cilësoi fëmijët e Tiranës si avokatë të të gjitha ndryshimeve pozitive që kanë ndodhur në kryeqytet.

“Jam i lumtur që ndodhem këtu për të folur mbi gjëra kaq shumë të rëndësishme për jetët tona. Jemi këtu për jetën e qyteteve dhe nismat për më shumë parqe, hapësira publike e rekreative, me fokusin tek fëmijët dhe të moshuarit, gjejnë zgjidhje në konferenca si kjo e sotmja. Këtu marrim eksperiencë sesi t’i bëjmë gjërat në mënyrën e duhur, jo duke shpikur rrotën, por duke zbuluar atë që ka funksionuar në një vend dhe që lehtësisht mund të funksionojë në një vend tjetër”, u shpreh Veliaj.

Konferenca Botërore e Qyteteve dhe Parqeve Urbane kishte në fokus lidhjen e parqeve dhe hapësirave publike me shëndetin e mirëqenien e qytetarëve, si dhe adresoi nevojën për politika më të mira të mira, shtimin e hapësirave të gjelbra sidomos për fëmijët.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Gjermania e kishte shpallur në kërkim ndërkombëtar për mashtrim, kosovari arrestohet teksa po hynte në Shqipëri

Gjermania e kishte shpallur në kërkim ndërkombëtar për mashtrim, kosovari arrestohet teksa po hynte në Shqipëri