POP 5

Lajmet më të lexuara të 5 minutave të fundit

Kronikë

Veliera 'Sea Cloud', me 61 turistë amerikanë dhe evropianë për të tretën herë në bregdetin e Durrësit

Veliera po zhvillon një tur 10-ditor në brigjet e Jonit dhe Adriatikut, duke u ndalur në disa porte të Greqisë, Shqipërisë, Malit të Zi dhe Kroacisë. Ajo ka lundruar gjatë natës së kaluar nga Saranda drejt Durrësit dhe në mbrëmje do të vijojë drejt Dubrovnikut.

Veliera 'Sea Cloud', me 61 turistë amerikanë dhe evropianë për të tretën herë në bregdetin e Durrësit

Veliera “Sea Cloud” në portin e Durrësit

DURRËS-  Veliera “Sea Cloud” me 61 turistë amerikanë dhe evropianë në bord ka mbërritur paradite në portin e Durrësit, për të tretën herë. Sipas ATSH, Veliera po zhvillon një tur 10-ditor në brigjet e Jonit dhe Adriatikut, duke u ndalur në disa porte të Greqisë, Shqipërisë, Malit të Zi dhe Kroacisë. Ajo ka lundruar gjatë natës së kaluar nga Saranda drejt Durrësit dhe në mbrëmje do të vijojë drejt Dubrovnikut.

 Nga të dhënat e agjencisë së lundrimit “Intermed Shiping ” mësohet se Veliera “Sea Cloud” që nga fillimi i këtij sezoni turistik vjen për të tretën herë në port. Anija turistike vjen në Durrës prej 8 vitesh dhe u ankorua në kalatën 5 të portit më të madh të vendit. 55 nga turistët vijnë nga SHBA, ndërsa 6 të tjerët nga Kanadaja, Britania e Madhe, Gjermania dhe Hollanda. Veliera “Sea Cloud” me një personel prej 58 vetësh ka një gjatësi 110 metra dhe është e regjistruar në portin e La Valetas.

Kujtojmë që këtë vit Shqipëria është bërë pikë turistike për anije kroçera apo velera, me turistë nga e gjithë bota që janë kuriozë të vizitojnë bukuritë e vendit tonë. Rasti i fundit është Kroçera "MSC Musica", që zbarkonte pothuajse çdo javë në portin e Sarandës, duke sjellë mijëra turistë nga vende të ndryshme të botës.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon votimin e detyrueshëm, jeni dakord?

Lajme të tjera



×

Lajmi i fundit

Dyshohet se përdhunuan një 31-vjeçar me aftësi të kufizuara, dy burrat e arrestuar dalin në Gjykatën e Elbasanit

Dyshohet se përdhunuan një 31-vjeçar me aftësi të kufizuara, dy burrat e arrestuar dalin në Gjykatën e Elbasanit

19 Prill, 10:02