POP 5

Lajmet më të lexuara të 5 minutave të fundit

Ekonomi

Vëllai i Bashës, do të shesë
INSIG-un, studioja fiton pa garë

Gazeta Shqiptarja.com (print) shkruan sot se në tenderin për të përzgjedhur subjektin, që do të kryejë konsulencën e privatizimit të INSUG-ut, studioja ligjore Optima, ku bën pjesë vëllai i kryebashkiakut të Tiranës, vijon e vetme garën në fazën financiare, pas skualifikimit të gjithë pjesëmarrësve të tjerë.
Vëllai i Bashës, do të shesë<br />INSIG-un, studioja fiton pa garë
TIRANE- Studioja ligjore ku bën pjesë Erlindi Basha, vëllai i kreut të Bashkisë Tiranë, Lulzim Basha, është i vetmi subjekt që po vazhdon garën për konsulencë të privatizimit të kompanisë shtetërore të sigurimeve INSIG. Në këtë garë, për të cilën opinionit nuk i është bërë gati asgjë e ditur, nga komisioni i vlerësimit janë përjashtuar të gjitha subjektet e tjera dhe ajo është kualifikuar e vetme për në fazën finale, të vlerësimit të ofertës financiare.

KOMPANIA
Studioja Optima është një subjekt i parapëlqyer i qeverisë për shërbime ligjore që kryen për ndërmarrjet dhe asetet e saj. Kompania shtetërore e naftës "Albpetrol sha Patos" ka njoftuar vitin e kaluar fituesin e një tenderi, të pashpallur ndonjëherë, për pajtimin e kësaj shoqërie juridike kundrejt 80 milionë lekëve të vjetra, duke sqaruar se kompania fituese është pajtuar për të përfaqësuar "Albpetrolin" në gjyqin që ka me shoqërinë "ARMO sha", së cilës Albpetroli i kërkonte rreth 38 milionë euro detyrime, para se të niste procesi i privatizimit.

Emrat e juristëve të kësaj studioje dalin shpesh herë si përfaqësues të Agjencisë së Burimeve Natyrore dhe enteve të tjera të ministrisë së Ekonomisë në gjyqet që ky institucion ka pasur me biznese të ndryshme, të cilat kanë hedhur në gjyq ministrinë ose anasjelltas.
Mes dhjetra projekteve të deklaruara prej saj, spikat bashkëpunimi me qeverinë shqiptare në projektet për ndërtimin e gazsjellësit më të madh në Shqipëri. "Ne kemi realizuar përfaqësimin e qeverisë së Shqipërisë për ndërtimin e kapaciteteve për zhvillimin e një projekti të tubacionit të madh të gazit prej 1 miliardë euro, në bashkëpunim me dy konsulentë të tjerë ndërkombëtarë", - deklaron studioja.

BASHA
Kjo kompani është themeluar në vitin 2008 dhe zotërohet nga dy aksionarë që kanë përkatësisht nga 50 për qind aksione: Ilir Daci dhe Glon Bakalli. Në faqen elektronike të kësaj kompanie spikat prezenca e Erlindi Bashës, vëllait të kryebashkiakut Lulzim Basha, si pjesë e stafit të juristëve të saj. Por duket se Erlindi Basha ka një lidhje edhe më të fortë me të sesa punësimi. Ai zotëron edhe një kompani të vetën për "konsulencë ligjore". Kompania "Optima Legal& Finances", ku ai figuron thjesht jurist, si dhe studioja e tij private ligjore, ndodhen ekzaktësisht në të njëjtin vend, të regjistruara në QKR me të njëjtën adresë: "Rruga Dëshmorët e 4 Shkurtit, Sky Tower, Kati 8/3?.

(Shkrimi u publikua sot ne gazeten Shqiptarja.com)
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

E rëndë në Fier/ Gruaja bie nga kati i shtatë, ndërron jetë

E rëndë në Fier/ Gruaja bie nga kati i shtatë, ndërron jetë

26 Nëntor, 13:06