Vëllai i Muratajt: Do i gjej shokët që e lanë në rrugë Admirin, organizatori nuk vritet!

Cen Murataj, vëllai i Admir Murataj beson se Admiri mund të jetë vrarë nga vetë bashkëpunëtorët në super-grabitjen e 10 milionë eurove në Rinas. Në një prononcim për mediat nga morgu i Tiranës, ku identifikoi trupin e pajetë të vëllait, Cen Murataj thotë se Admirin e hodhën në rrugë shokët e tij. Me ndihmën e policisë ose jo, ai tha se do të interesohet për të gjetur se kush janë bashkëpunëtorët, duke lënë të nënkuptuar se mund të ketë edhe vetëgjyqësi. 

"Nuk njohim asnjërin, por do tani do t'i njohim, do interesohemi se kush janë. Shokët do i gjejë policia, por do interesohemi t'i gjejmë edhe ne. Po s'i gjeti policia do t'i gjejmë me mënyrat tona. Meqë thonë se Admiri ishte organizatori, do shohim se sa organizator është Admir Murataj. Ai është vegël. Se nga kush, do ta shohim. Organizatori nuk vritet. Do i shohim se kush janë shokët që e lanë në rrugë", tha ai.

Edhe pse ka qene ne polici ai thote se nuk ka asgje te sakte per menyren se si u vra Admir Murataj, nese e qelloi policia apo grabitesit. "Dimë që thonë që e kanë hedhur shokët e vet aty", tha Cen Murataj.

Ai thotë se ka dy vite që nuk ka komunikuar më me vëllain e tij, kohë që korrespondon me vitet e tij në arrati, dhe në kërkim nga policia. "Dy vjet ka që nuk kam komunikuar. Admiri nuk ka qenë i dënuar, ishte i hetuar, ishte në kërkim", tha Cen Murataj.

Lajmi kryesor:

Grabitësi i vrarë nga policia i arratisur nga burgu grek! Vëllai: Do i gjej shokët që e hodhën Admirin në rrugë! (VIDEO)

G.M./Shqiptarja.com

TAG:
• admir murataj
• cen murataj