POP 5

Lajmet më të lexuara të 5 minutave të fundit

Shëndeti

Vendi i parë në botë, Britania voton
  ligjin pro fëmijëve me tre prindë

Britania është bërë vendi i parë në botë që ka miratuar ligjin për atë që quhet lindja e fëmijëve me tre prindër,  ose foshnjat IVF, pasi Dhoma e Përfaqësuesve votoi me shumicë dërrmuese në favor të teknikës  së diskutueshme të dhurimit mitokondrial.
TIRANË - Britania është bërë vendi i parë në botë që ka miratuar ligjin për atë që quhet lindja e fëmijëve me tre prindër,  ose foshnjat IVF, pasi Dhoma e Përfaqësuesve votoi me shumicë dërrmuese në favor të teknikës  së diskutueshme të dhurimit mitokondrial.

Gjatë një debati, që zgjati rreth 90 minuta, deputetët në të dy anët e dhomës folën plot pasion në favor të procesit, i cili kombinon ADN-në e tre njerëzve në një embrion, në mënyrë që të lejojë gratë që kanë ç’rregullime mitokondriale për të pasur fëmijë të shëndetshëm.

Edhe pas pikëpamjeve të kundërta, në fund të debatit, 382 deputetë votuan në favor të një amendamenti që  e bën teknikën ligjore, me 128 vota kundër.  Votimi me  këtë shumicë  dërrmuese ishte më i madh se sa pritej.

Rregullorja tani që do të kalojë në Dhomën e Lordëve, e cila pritet të japë miratimin brenda dy javëve të ardhshme. Ligji, lejon licensimin e dhurimit mitokondrialë,  cili do  të hyjë në fuqi në tetor, duke hapur  kështu rrugën për licencën e parë që do të lëshohet më vonë këtë vit dhe lindjen e parë të një fëmijë me tre prindër në 2015-ën.
Por ligji ka hsur në kundërshtime të forta si nga njerëzit religjoz por edhe nga disa shkencëtarë.

Një shkencëtarë i lartë paralajmëroi  se kjo procedurë,  që lejon krijimin e të ashtuquajturave “foshnje me tre-prindër” përmes fertilizimin in vitro (IVF)  në fillim të vitit të ardhshëm është shqetësues. Foshnjet mund të lindin parakohe dhe nuk ka asnjë siguri lidhur me shëndetin  e këtyre fëmijëve në të ardhmen.

Por Ministrja e Shëndetësisë Jane Ellison,  tha  se kjo procedurë do përdoret  vetëm për ata që kanë probleme dhe nuk do të ketë rrëshqitje të ligjit në lejimin e modifikimit gjenetikisht të foshnjeve që do të lindin. Me pak fjalë dizenjimin e fëmijëve “të së ardhmes”.
 
“Ky ligj mund të aplikohet vetëm për sëmundje të rënda mitokondriale. Ky nuk është një shpat i rrëshqitshëm“,  u tha Ellison deputetëve në fund të debatit.
“Për shumë familje të prekura kjo është dritë në fund të tunelit“, theksoi ajo.

Teknika përfshin zëvendësimin e mitokondrisë së sëmurë të një femre me një mitokondri të shëndetshme të marrë nga një dhuruese. Praktikisht në këtë proces do të kryqëzohen tre ADN, nëna, dhuruesja dhe i ati i fëmijës.
 
Redaksia Online
(a.h/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52