POP 5

Lajmet më të lexuara të 5 minutave të fundit

Sport

Vendimet e dyshimta në 'El Clasico', Xavi s’përmbahet: Padrejtësi e madhe, s’duhet të heshtim! Ancelotti: E merituam fitoren

Shumë polemika, përmbysje dhe gol në shtesë prodhoi el classico mes Real Madrid dhe Barcelonës, që në fund pa ‘galaktikët’ të hipotekojnë titullin kampion në La Liga.

Vendimet e dyshimta në 'El Clasico', Xavi s’përmbahet: Padrejtësi e madhe, s’duhet të heshtim! Ancelotti: E merituam fitoren

Autori i golit të tretë për Realin

Një 'El Clasicco' shumë polemizuese, por që hipotekoj titullin e Real Madrid rezultoi përballja e galaktikëve me Barcelonën për llogari të javës së 32 të La Ligas. Në Bernabeun magjik 90 minutat përfunduan me rezultatin 3-2, por katalanasit zhbllokuan që në minutën e 6 me Christensen, duke shtangur madrilenët.

Nuk do të kalonte shumë, dhe një penallti e fituar nga Lucas Vazques dhe e kontestuar shumë nga miqtë, u kthye në gol nga Vinicius, duke rivendosur edhe njëherë baraspeshën.

Në pjesën e parë do të ndodhin edhe dy episode që ndezët më shumë këtë përballje. Një devijim i Yammal dha idenë se topi e kaloi vijën e portës së mbrojtur nga Lunin, por mungesa e ‘goal line tecnology’, por edhe e pamjeve të ofruara nga VAR e lanë rezultatin në 1-1. Më tej një penallti e dyshimtë e paakorduar po për Yamaal, do ishin arsyeja që Xavi në fund të deklaronte se ‘është një padrejtësi e madhe për të cilën nuk duhet të heshtim’.

Megjithatë në pjesën e dytë Barcelona kaloi sërish në avantazh me Fermin Lopez, ndërsa disa çaste më pas Lucas Vazques i dërgoi shifrat në 2-2. Në shtesë hero do rezultonte Jude Bellingham, i cili është kritikuar shumë gjatë kësaj periudhe, por goli i tij i dha 3 pikët Real Madrid në ndeshjen më të rëndësishme. Me këtë fitore Real Madrid, kur kanë mbetur edhe 6 javë kampionat, shkon në 11 pikë më shumë se Barcelona e vendit të dytë. Ndryshe nga Xavi, pas fitores Ancelotti u shpreh se fitorja ishte e merituar dhe për episodet që përmend Xavi arbitri kishte të drejtë.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

VIDEOLAJM/ Orikum, peshkaqeni ‘dhelpër’ 3.5 m i gjatë del në breg të detit! Habiten banorët

VIDEOLAJM/ Orikum, peshkaqeni ‘dhelpër’ 3.5 m i gjatë del në breg të detit! Habiten banorët

12 Janar, 11:09