Në gjykatën e Vlorës mund edhe të lirohesh, dhe pse je prangosur me 5 ton kanabis apo të jesh i dyshuar si trafikant i kësaj sasie të konsiderueshme. Ndërsa tek krimet e rënda 6 kg kanabis rrezikojnë të kthehen në 52.6 vite burg për 7 të ndaluar.
Pak javë më parë në gjyaktën e Vlorës u la i lirë Rakip Arapaj i dyshuar si posedues i 5 ton kanabis të sekuestruar në një operacion policor. Lirimi i tij u apelua nga Prokuroria dhe Apeli e riktheu në fuqi arrestin me burg, por ky shtetas u arratis dhe prej 1 jave nuk gjendet.
Ndërsa në Gjykatën e Kriemve të Rënda me akuzën e grupit të strukturuar kriminal 7 shtetas mes tyre shqiptarë dhe maqedonas rrezikojnë plot 52.6 vite burg pasi janë përgjuar dhe zbuluar teksa tentonin të trafikonin 6 kg kanabis nga Përrenjasi drejt Maqedonisë.
![](https://shqiptarja.com/template/img/NO_ALFA_Kuadrate shqiptarja.png)
Ata mbahen në qeli prej më shumë se 5 muaj dhe për çdo ditë nga taksat e shqiptarëve paguhet nga 25-30 euro për qëndrimin e secilit prej tyre në paraburgim, me fjetie, ushqim e kushte sigurie.
Masat e dënimit të kërkuara nga prokurori Besnik Muçi për të pandehurit janë: Gazmend Lleshanaku 10 vite, Isak Alla 10 vite, Aleksandër Tprevski 10 vite, Vangjel Bogdani 8 vite, Aurel Toska 7 vite e 6 muaj, Muzafer Saliju 3 vite, Ilir Mecja 2 vite, Gëzim Balla 2 vite.
Report Tv sjell pamje nga kjo seancë, ku rezulton se 6 kg kanabis janë gjetur në një banesë në Përrenjas e pranuar kjo dhe nga vetë prokuroria në gjykatë por akuza ndaj të pandehurve është trafik ndërkombëtar narkotikësh në tentativë.
Në këtë proces është aplikuar gjykimi i shkurtuar, ndërsa vendimi pritet të jepet më 23 nëntor nga Gjykata e Krimeve të Rënda që ka vlersuar edhe më parë masat e sigurisë arrest me burg për të pandehurit.
Redaksia Online
N.M/Shqiptarja.com
![](https://www.shqiptarja.com/template/img/sh_logo1.png)