Pas ankesës së prindërve, nxënësit nga klasa 1-3 do marrin libra të rinj falas! Ministrja: Deri në klasë të 9, me detyrim kthimi

TIRANË- Në vitin e ardhshëm shkollor, nxënësit nga klasa e parë deri në të tretë, nuk do të kenë nevojë që pushimet e verës t’i kalojnë duke fshirë librat që i kanë marrë të vjetra nga brezi i kaluar. Kjo sepse me vendim qeverie, klasa e 1-3 do t’i marrë libra të reja, falas dhe nuk do të jetë e nevojshme për t’i dorëzuar. Një vendim i tillë, ka sqaruar ministrja e Arsimit, Evis Kushi ka ardhur si reflektim pas kërkesës së prindërve.

“Këshillin e Ministrave për shkak të një kërkese të vazhdueshme që na ka ardhur nga prindërit, por edhe nga mësuesit, kemi vendosur që për nxënësit e klasave nga e para në të tretë, tekstet të ofrohen falas çdo vit. Pra nxënësit të mos kenë detyrimin që në fund të vitit shkollor t’i dorëzojnë tekstet për t’i përdorur nxënësit e tjerë. Kemi vendosur kështu sepse për nxënësit e klasave fillore, nga klasa e parë në të tretën, nga njëra anë janë shumë të vegjël dhe e kanë ende të vështirë që ta mirëmbajnë librin siç duhet dhe ky më pas të jetë i përdorshëm, por nga ana tjetër tekstet, programet janë të tilla që mbi tekste ka edhe shënime, ka edhe ushtrime ku nxënësit duhet të shkruajnë dhe më pas është e vështirë që t’i fshijnë dhe tekstet të përdoren nga nxënësit e tjerë”, tha Kushi.

Ndërkohë, klasat e tjera, pra nga klasa e katërt në të nëntën, librat do të jenë falas, por do të kalohen brez pas brezi për 3 vite. Kjo, sipas ministres, është parë si një mënyrë për të ndërgjegjësuar nxënësit që duhet të jenë “miq me librin”.

“Unë dua ta theksoj që arsyeja pse ne kemi vendosur që për klasat e tjera të vazhdojnë që tekstet të jenë në përdorim falas, dhe të trashëgohen nga një brez në tjetrin, është edhe për t’i edukuar nxënësit që ta mirëmbajnë librin, të jenë miq për librin, të kujdesen, të kursejnë sepse është një vlerë që i shërben atyre edhe për jetën e tyre të përditshme, ta kenë si edukatë, ta kenë në kulturën e tyre”, vijoi Kushi.

Nga ana tjetër, Ministria e Arsimit dhe e Sporteve ka kërkuar një buxhet shtesë për 45 milionë lekësh, me qëllim për të përmbushur detyrimin ligjor për t’i shpërblyer sipas vendimit përkatës të Këshillit të Ministrave këta sportistë elitar. 

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?



×

Lajmi i fundit

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut