Vendimi i ri i qeverisë parashikon që të gjithë nxënësit nga klasa e parë deri në atë të katërt të përfitojnë libra falas. Qeveria ka vendosur të lehtësojë në këtë mënyrë barrën e prindërve, duke i mbuluar kostot e librave me buxhetin e MAS. Vendimi është marrë në mbledhjen e të mërkurës në Këshillin e Ministrave.
Buxheti i parashikuar për të mbuluar kostot është 270 000 000 (dyqind e shtatëdhjetë milionë) lekësh.
Më herët ka qenë PD, që kërkoi verën e shkuar libra falas për të gjithë nxënësit e shkollave nga klasa e parë deri në klasë të nëntë. Në propozimin e PD-së kërkohej edhe drekë falas për të gjithë fëmijët e shkollave.
Vendimi i plotë i qeverisë:
Nxënësve që ndjekin arsimin fillor nga klasa e parë deri në klasën e katërt u jepen tekstet shkollore në përdorim falas. Çmimi i blerjes së teksteve shkollore mbulohet 100% nga fondet e buxhetit të shtetit, miratuar për ministrinë përgjegjëse për arsimin. Institucionet arsimore si dhe njësitë arsimore vendore, brenda muajit korrik të çdo viti, përgatisin listën e parashikuar të nxënësve që ndjekin arsimin fillor nga klasa e parë deri në klasën e katërt.
Blerja e teksteve shkollore të nxënësve që ndjekin arsimin fillor nga klasa e parë deri në klasën e katërt, në emër të prindërve ose përfaqësuesve ligjorë, për llogari të nxënësve, realizohet nga institucioni arsimor, për llogari të njësisë arsimore vendore.
Likuidimi i faturës tatimore ndaj subjekteve, shtëpive botuese, realizohet nga njësia arsimore vendore, me fondet e miratuara si “Transfertë tek individët”, në buxhetin e ministrisë përgjegjëse për arsimin, në llogarinë bankare të shitësit.
Mënyra e shpërndarjes dhe e administrimit të teksteve për këtë kategori nxënësish përcaktohen me udhëzim të ministrit përgjegjës për arsimin.”.
II. Efektet financiare, që rrjedhin nga zbatimi i këtij vendimi, parashikohen në shumën prej 270 000 000 (dyqind e shtatëdhjetë milionë) lekësh. Këto fonde janë parashikuar në buxhetin e miratuar për vitin 2018, në programin e arsimit bazë 09120, kapitulli 01, në artikullin 606, “Transfertë tek individët”.
III. Ngarkohen Ministria e Arsimit, Sportit dhe Rinisë dhe Ministria e Financave dhe Ekonomisë për zbatimin e këtij vendimi.
Komente
Lajme të tjera
-
Tekstet shkollore falas për arsimin bazë dhe të mesëm! Rama: Përfitojnë 238 mijë nxënës! Mbështetje për familjet
27 Gusht, 08:20 -
Nis sot shpërndarja e teksteve në shkolla, për herë të parë nxënësit e klasave 2 dhe 3 marrin libra të rinj falas
1 Shtator 2023, 08:11 -
Shembja e pallateve të dëmtuar në Kombinat, Gjykata Administrative i jep të drejtë bashkisë
27 Nëntor 2021, 16:14 -
Rritën çmimin e miellit, importuesit edhe 1 vit nën monitorim! Zbardhet vendimi i Konkurrencës, si i shpëtuan gjobës 5 mln euro kompanitë që bënë monopol
21 Tetor 2021, 01:15
-
Tekstet shkollore falas nga klasa e parë në të nëntën! Rama: Përfitojnë 280 mijë nxënës, botimet prestigjioze të 'Oxford' dhe 'Cambridge'
15 Shtator 2021, 08:19 -
Kushi nga një familje në Elbasan: Tashmë të gjithë nxënësit e shkollave 9-vjeçare publike do t'i përfitojnë librat falas
31 Gusht 2021, 10:30 -
Cakaj jep lajmin: Nis shpërndarja falas e librave shqip për nxënësit në Luginën e Preshevës
8 Shtator 2020, 15:02 -
PD denoncon: Rama mashtron për tekstet falas, nxënësit po marrin libra të zhgarravitur
3 Shtator 2020, 09:40 -
Ministrja Shahihi: Libra falas për vitin e ri shkollor
19 Gusht 2020, 11:55 -
Zgjerohet skema e librave falas, kategoritë që përfitojnë nga vendimi i sotëm i qeverisë
17 Qershor 2020, 14:50 -
Vendimi për ndalimin e qeseve plastike, rrezikon të shtyhet përsëri
25 Maj 2020, 19:54
Te shohim. Shpresojm te mos thone Epo mbaruan
PërgjigjuJu lumte!
Përgjigju