Qeveria do të dëmshpërblejë familjarët e viktimave të masakrës së Gërdecit, duke miratuar kështu ekzekutimin e vendimit të Gjykatës Evropiane për të Drejtat e Njeriut.
"Këshilli i Ministrave vendosi Ekzekutimin e vendimit të Gjykatës Evropiane për të Drejtat e Njeriut, datë 7.11.2023, për çështjen “Durdaj dhe të tjerë kundër Shqipërisë”, për kërkesën nr.63543/09 (Durdaj), nr.46707/13 (Selami), nr.46714/13 (Durdaj dhe Hazizaj), nr.12720/14 (Zamira Durdaj dhe Feruzan Durdaj), përfundimtar në datën 7.2.2024, sipas shumave të përcaktuara në shtojcën 1, që i bashkëlidhet këtij vendimi dhe është pjesë përbërëse e tij", thuhet në vendimin e qeverisë së publikuar sot pas mbledhjes.
Në nëntor të 2023 Gjykata e Strasburgut ka vendosur dëmshpërblim financiar prej 170 mijë eurosh për 17 persona, të plagosur dhe familjarë të viktimave të masakrës.
Të dëmtuarit që e dërguan çështjen në Strasburg ishin Zamira Durdaj dhe Feruzan Durdaj, prindërit e të ndjerit Erison Durdaj, Feruzan Durdaj, Roxhens Durdaj, Alketa Hazizaj, Aishe Selami, Pashk Kaçi, Mirela Hazizaj, Miselda Zguri, Medi Gola, Rabie Gërdeci, Shaban Brahushi, Sabrie Picari, Dylbere Prini, Adelina Cani, Meltina Haka, Bege Aliu dhe Esmeralda Sefa.
Nga shuma totale, 12 mijë euro do shkojë si dëmshpërblim për Zamira e Feruzan Durajn, dhe nga 10 mijë euro shpërblim për 15 persona të tjerë të plagosur ose familjarë të viktimave, dhe bashkërisht për të gjithë aplikantët, 8,000 (tetë mijë euro) euro, në lidhje me kostot dhe shpenzimet.
Sipas VKM-së të firmosur nga kryeministri Rama dëmshpërblimi do të bëhet brenda 3 muajve, nga Ministria e Financave, pas paraqitjes së dokumentacionit të nevojshëm ligjor për kryerjen e pagesave që do të merren nga fondi rezervë I buxhetit të shtetit. Efektet financiare të parashikuara për ekzekutimin e këtij vendimi përballohen nga fondi rezervë i buxhetit të shtetit për vitin 2024.
Pasi shqyrtoi dosjen dhe pretendimet e palëve, Gjykata konstatoi shkeljen e nenit 2 të konventës për të drejtën e jetës, duke vlerësuar se zgjedhja e Gërdecit si vend i objektit të çmontimit të armëve ishte bërë në kundërshtim me ligjin dhe rregulloret e shtetit. Sipas Strasburgut, një operacion i përmasave të tilla nuk duhet të ishte kryer kurrë në një vendndodhje afër rrugëve publike dhe banesave.
Zamira Durdaj
Feruzan Durda
Dëmshpërblehen me 10 mijë euro
Aishe Selami
Pashk Kaçi
Mirela Hazizaj
Miselda Zguri
Medi Gola
Rabie Gërdeci
Shaban Brahushi
Sabrie Picari
Dylbere Prini
Adelina Cani
Meltina Haka
Bege Aliu
Esmeralda Sefaj
Roxhens Durdaj
Alketa Hazizaj
26 persona humbën jetën dhe mbi 300 të tjerë mbetën të plagosur nga shpërthimi në fabrikën e demontimit të armëve në Gërdec më 15 mars 2008. Shpërthimi ishte aq i fuqishëm sa që shkatërroi 3000 banesa e biznese. Një “betejë” e gjatë dhe e ashpër po zhvillohet mes familjeve të viktimave, qeverisë dhe drejtësisë, me bazë akuzat e ndërsjellta mes palëve. Për këtë tragjedi prokuroria dërgoi 28 të pandehur në gjykatë, mes tyre edhe Mihal Delijorgjin, president i shoqërisë “Albademil”, Ylli Pinari, drejtor i kompanisë MEICO dhe Dritan Minxholli, administrator i fabrikës, të cilët janë liruar nga burgu pas kryerjes së dënimeve përkatëse. Në shkurt 2013, Gjykata e Apelit reduktoi me 1/3 dënimin e dhënë nga Gjykata e Tiranës për tre të pandehurit kryesorë të dosjes “Gërdeci”. Ndërsa vijon gjyqi ndaj Fatmir Mediut, aktualisht kryetari i Partisë Republikane dhe deputet në Parlament.
(Kliko këtu për të parë vendimin e Gjykatës së Strasburgut )
Komente
Lajme të tjera
-
Qeveria rishikon për herë të tretë buxhetin 2024/ Familjet me ndihmë ekonomike 150 euro për festa! Në pranverën e ardhshme pensionistët marrin 50 – 100 euro
20 Dhjetor, 16:58
-
Vendimet/ Qeveria shkarkon Dallëndyshe Bicin nga IKMT 6 muaj pas emërimit, rikthehet Ajet Zyberi! Ish-deputeti Xhindi largohet nga 'Illyrian Guard'
20 Dhjetor, 12:26
-
Miratohet pr.ligji/ Njihet çdo ditë pune para ‘93 edhe nëse s’është e dokumentuar! Përfitojnë rreth 29 mijë persona që punuan në kooperativë e ish-ndërmarrjet shtetërore
19 Dhjetor, 08:51 -
Qeveria ngre Autoritetin Kombëtar për Sigurinë Kibernetike! I propozon kryeministrit shpalljen e krizës dhe masat emergjente
18 Dhjetor, 18:34 -
Rama largon zv/ministren e Arsimit Nina Guga e zëvendëson me Orjana Osmanin drejtoreshë në gjimnazin 'Petro Nini'
18 Dhjetor, 17:52 -
Shtyhet seanca për masakrën e Gërdecit, revoltohet Mediu: Ç'punë kam unë me kalibrat e municioneve që më hetojnë, isha ministër
18 Dhjetor, 10:20 -
Nga 1 Janari 2025 Altin Dumani merr edhe kompetencat e Komisionerit Publik, qeveria i kalon SPAK-ut edhe zyrat
15 Dhjetor, 20:15 -
VENDIMI/ Qeveria ngre Zyrën e Administrimit të Parkut Kombëtar të ‘Lumit të Vjosës’! Drejtor, administratë, logo dhe stemë! Selia në Tepelenë
13 Dhjetor, 22:17 -
VKM/ Shkarkohet drejtoresha e Teatrit të Operas dhe Baletit, Abigeila Voshtina
13 Dhjetor, 19:43 -
Rrëfimi i Packouz për Gërdecin, Doçi në Report Tv: Shkëlzen Berisha pronar 'de facto' i biznesit vdekjeprurës, loboi për ta ngritur! Vdekja e dyshimtë e Trebickës
10 Dhjetor, 18:11 -
Gërdeci/ Rrëfimi tronditës i Packouz për median amerikane: Shkëlzen Berisha në takim kur negociuam çmimin e fishekëve, si ‘hoqëm qafe' Trebickën nga biznesi! Vdekja e tij e dyshimtë! (VIDEO)
9 Dhjetor, 21:03 -
Sali Berisha i cilëson vrasjet e '21 Janarit' e 'Gërdecit' si 'gabime': Rikthimi i tretë do të jetë më i suksesshëm, harrojeni ç’kam bërë dikur
7 Dhjetor, 15:31
Pse duhet t'ia paguajnë taksapagusit 170 mij euro këtyre fatkeqëve,dhe jo ata që përfituat para,nga ajo fabrikë ?...
PërgjigjuLexoje vendimin dhe do kuptosh se shteti shqiptar eshte denuar per shkeljet e meposhtme: 1. Nuk u ka mbrojtur viktimave te drejten per te jetuar. 2. Nuk e ka hetuar siç duhet krimin. Fakti qe shteti shqiptar shpallet fajtor nuk do te thote se personat qe perfituan nga krimi perjashtohen nga pergjegjesia penale dhe civile. Ka edhe gjyqe te tjera mbi kete afere por jo te gjitha shkojne ne Strasburg, sepse atje shkojne vetem ceshtjet ku paditet shteti per shkelje te te drejtave te njeriut. Per taksapaguesit shqiptare nuk ka pse na vjen keq sepse jane keta taksapagues qe me votat e tyre e risollen Berishen ne pushtet vetem 8 vite pas 97-s dhe jane te njejtet taksapagues qe sot votojne per te mbajtur ne pushtet Ramen dhe dyzet hajdutet.
170 mije euro t'i sekuestrohen autoreve te tragjedise: kryekrimineleve nderkombetare: Mihail Delijorgjit, Shkelzen Berishes dhe Fatmir Mediut..
PërgjigjuQenkan keputur,10.000 euru! Me shume u shperblye pallati i shembur i Bashes ne rere, se sa keta qe humben te aferm,ose u dogjen e u demtuan vete !!
Përgjigjushuma 10.000 euro eshte tallje per viktimat,,,te vrafte zoti o sali berisha o kriminel..nga 500.000 euro per person duhej te ishte ,,dhe prape njwriu nuk zevendesohet...
PërgjigjuSa turp, 10 mije euro per familje gjithe kto viktima Dhe tallen i japin lek buke as per 1 vit sdalin.. Po ku ka cmin qe blen femijen! Shume pa sbpirt dhe pa gjak paskeni qene, Rrini akoma neper gjykata, nderkohe ato jane bere miliardere Dhe tallen me viktimat dhe gjykatat sdine ku cojne leket e bizneset Nderkoje ju keni humb femijet dhe merreni me intervista!
Përgjigju