POP 5

Lajmet më të lexuara të 5 minutave të fundit

Ekonomi

Vendimi: Ministria e Shëndetësisë
u heq tenderët spitaleve

Me një vendim të posaçëm, Këshilli i Ministrave ka vendosur t’u heqë të drejtën spitaleve dhe institucioneve të tjera shëndetësore të bëjnë prokurime për ilaçe dhe pajisje mjekësore, duke ja kaluar këtë kompetencë vetëm ministrisë së Shëndetësisë.
Vendimi: Ministria e Shëndetësisë <br />u heq tenderët spitaleve
TIRANE - Me një vendim të posaçëm, Këshilli i Ministrave ka vendosur t’u heqë të drejtën spitaleve dhe institucioneve të tjera shëndetësore të bëjnë prokurime për ilaçe dhe pajisje mjekësore, duke ja kaluar këtë kompetencë vetëm ministrisë së Shëndetësisë.

Në VKM përcaktohet lejimi i Ministrisë së Shëndetësisë, si organ qendror blerës, për kryerjen e procedurave të prokurimit, në emër dhe për llogari të spitaleve publike në varësi të saj, për blerjen e medikamenteve dhe materialeve mjekësore.

Autoritetet kontraktore brenda muajit shkurt duhet të dërgojnë në Ministrinë e Shëndetësisë, si organi qendror blerës, të dhënat, teknike e sasiore, dhe fondin përkatës, për çdo artikull që prokurohet.

Ministria këtej e tutje do të zhvillojë procedurat për prokurimin e përqendruar të medikamenteve dhe materialeve mjekësore, për nevojat spitalore, përfshirë procedurat e prokurimit me negocim pa shpallje paraprake të njoftimit.

Ky veprim bie ndesh me politikën e deritanishme të decentralizimit të prokurimeve nga institucionet, duke përqendruar në një dorë vendime për miliona euro në vit.

Redaksia Online
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

EasyPay: Arrihet Licenca e parë për Bankingun e Hapur në Shqipëri dhe Ballkan

EasyPay: Arrihet Licenca e parë për Bankingun e Hapur në Shqipëri dhe Ballkan

26 Nëntor, 15:47