Vendimi për ndërtesat mbi 50-vjeçare, Muçaj dhe Shkreli sqarojnë qytetarët: Godinat do të inspektohen, më pas do të vlerësohen për ndërhyrje

Vendimi për ndërtesat mbi 50-vjeçare, Muçaj dhe Shkreli sqarojnë qytetarët: Godinat do të inspektohen, më pas do të vlerësohen për ndërhyrje

zv.ministrja e MIE, Enkelejda Muçaj dhe Drejtori i Institutit të Ndërtimit, Artan Shkreli

Ministria e Infrastukturës dhe Energjitikës ka sqaruar sot projekt-vendimin e qeverisë për inspektimin e gjendjes teknike të godinave mbi 50-vjeçare. Në një deklaratë për media, zv.ministrja e MIE, Enkelejda Muçaj dhe Drejtori i Institutit të Ndërtimit, Artan Shkreli ka sqaruar se nuk bëhet fjalë për shembje të ndërtimeve.

Sipas tyre projektligji që ka për qëllim të auditojë godinat për të parandaluar kështu ndonjë fatkeqësi të mundshme, nuk ka të bëjë direkt me shembjen e tyre. Godinat e viteve 50’-60’ do të inspektohen, më pas do të vlerësohet nëse do të kenë nevojë për ndërhyrje, shembje apo mund të rezultojë edhe të jenë brenda standardeve.

“Ky projekt-vendim nuk ka të bëjë me shembje banesash por ka qëllim të rregullojë procedurat ligjore për një auditim të gjendjes së tyre fizike dhe të qëndrueshmërisë së këtyre objekteve, duke hedhur poshtë kësisoj të gjithë gënjeshtrat dhe dezinformimet që janë dhënë sot lidhur me këtë proces. Të dashur qytetarë bëhet fjalë për një proces tërësisht ligjor, të nisur pas tërmetit në 2019. Dëshirojmë të sqarojmë publikun e gjerë se projektvendimi është ende në fazë diskutimi”, Enkelejda Muçaj

“ Për hir të së vërtetës, procesi nuk është proces i ri, ka filluar mbi dy vjet më parë, është miratuar në Kuvend një amendim i ligjit për disiplinimin e kontrollin e punimeve, dhe ndërtimit. Të gjitha objektet që kanë një moshë mbi gjysmë shekullore, duhet t’i nënshtrohen një auditi teknik, që do të nxjerrë në pah çfarë patologjish kanë, dhe nëse nxjerrin në pah patologji të rënda, këto objekte shteti ka për qëllim të ndërhyjë dhe t’i sjellë në norma. U tha që me mbarimin e procesit të rindërtimit, do të fillonte procesi auditit të këtyre godinave, në mënyrë që largqoftë një projekt tjetër me përmasa të mëdha, të minimizojë sa më shumë dëmet. Ky nuk është një proces i cili ka për qëllim shembjen e objekteve, ky është një proces si një njeri që pasi kalon moshën 50-55 vjeç shkon e bën check in, e njëjta gjë bëhet edhe me godinat, mund të ketë edhe godina që janë në gjendje të mirë. Flitet për godina të bëra në vitet 50-60’, Artan Shkreli.

F.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ligji: 02/03/2023 05:00

    Vetem se dy "bandillet" deshtojne te tregojne se si qenka bere deri me sot inspektimi tekniko sizmik, ose pse kuadri ligjor aktual nuk mundeson inspektim teknik etj. Cfare monstrash mamuthe korrupsioni.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Kristen Stewart është gati të ketë një fëmijë më të fejuarën e saj

Kristen Stewart është gati të ketë një fëmijë më të fejuarën e saj