'Negociatat, rreze shprese mes kësaj krize', Xhaçka: Me kurajo dhe besim të shohim nga e ardhmja, do ta kalojmë dhe këtë

1585079857_1575019663oltaxhacka.jpg

“Një rreze shprese mes kësaj krize”, kështu e ka cilësuar Ministrja e Mbrojtjes Olta Xhaçka vendimin e Këshillit të Ministrave të BE-së për çeljen e  negociatave me Shqipërinë dhe Maqedoninë e Veriut të dhënë në këtë kohë krize shëndetësore për shkak të koronavirus.

“Prandaj sot, le të gjejmë kurajon e besimin për të parë me shpresë drejt të ardhmes, përtej krizës ku jemi sot, të cilën do ta kalojmë të gjithë së bashku...”, ka thënë  më tej ministrja.

As situata e vështirë që po kalojmë sot, nuk e zbeh dot rëndësinë e lajmit për hapjen e negociatave. Përkundrazi, ky lajm është si një rreze shprese mes kësaj krize, ku ka aq shumë nevojë për të shpresuar e besuar tek e ardhmja. Jemi sot një hap më pranë Europës, jemi sot një hap më pranë ëndrrës për të cilën kemi punuar, sakrifikuar e pritur aq shumë. Prandaj sot, le të gjejmë kurajon e besimin për të parë me shpresë drejt të ardhmes, përtej krizës ku jemi sot, të cilën do ta kalojmë të gjithë së bashku, duke nxjerrë në pah më të mirën, ashtu siç ka bërë ky popull gjithmonë sa herë që natyra apo historia e ka përballur me kriza, sfida e vështirësi”, shkruan Xhaçka.


Lajmi kryesor:

Vendimi i shumëpritur në një moment të vështirë! BE çel negociatat me Shqipërinë dhe Maqedoninë e Veriut


  • Sondazhi i ditës:

    A duhet të kthehet dënimi me vdekje në Shqipëri?



×

Lajmi i fundit

John

Si u përdor 'Nisma Thurje' për të përhapur fake news-et e Metës që synonin rrëzimin e Ramës