Me propozimin e ministrit të Drejtësisë, Këshilli i Ministrave ka vendosur dje riorganizimin e Agjencisë së Mbikëqyrjes së Falimentimit, në Agjencinë Kombëtare të Falimentimit, e cila mbetet gjithnjë person juridik publik, në varësi të ministrit të Drejtësisë.
Agjencia do të ketë si mision sigurimin dhe përdorimin e mjeteve efikase për të ruajtur ligjshmërinë e procedurave të falimentimit, duke mbikëqyrur aktivitetin e administratorëve të falimentimit. Ajo do të sigyrojë zbatimin e kuadrit ligjor dhe rregullator që është efikas dhe efiçent në fushën e falimentimit; zhvillon ndërgjegjësimin në lidhje me të drejtat dhe detyrimet e të gjithë aktorëve të përfshirë në fushën e falimentimit; mbikëqyr dhe drejton procesin e falimentimit duke inkurajuar zbatimin efiçent e të shpejtë në përputhje me ligjin, ndërkohë që do të jetë institucioni i vetëm publik informues për çështjet e falimentimit në Shqipëri.
Agjencia drejtohet dhe përfaqësohet nga drejtori i Agjencisë, i cili organizon dhe drejton të gjithë veprimtarinë e Agjencisë, dhe i raporton ministrit të Drejtësisë. Sipas Vendimit të mëparshëm, drejtori emërohej dhe shkarkohej nga kryeministri. Tani, një klauzolë e tillë është lënë jashtë.
Marrëdhëniet e punës së drejtorit dhe të nëpunësve të Agjencisë rregullohen në bazë të dispozitave të legjislacionit për nëpunësin civil. Marrëdhëniet e punës së punonjësve administrativë rregullohen në bazë të dispozitave të Kodit të Punës të Republikës së Shqipërisë.
Agjencia mban dhe përditëson në formë shkresore dhe elektronike, regjistrin e administratorëve të certifikuar të falimentimit, organizon dhe zhvillon provimin për administratorët e falimentimit. Agjencia ka të drejtë të mbikëqyrë dhe të kontrollojë, periodikisht, në çdo kohë, subjektet e licensuara prej saj, si dhe të kërkojë të verifikojë çdo informacion, të cilin e konsideron të nevojshëm për ushtrimin e funksioneve të ngarkuara me ligj.
Komente
Lajme të tjera
-
Erion Veliaj 5 orë në SPAK, Berisha: Luftë brenda llojit, jo meritë e Altin Dumanit
27 Dhjetor, 14:52 -
Meta nuk ndal sulmet për Altin Dumanin as nga burgu: Mercenar i Ramës! Nuk burgosen dot kauzat e PL
27 Dhjetor, 14:45 -
Hasani: Negociatat me Greqinë duhet t'i trajtojmë me kujdes, duhet punë tavoline, jo mikrofoni! Ka nisur puna për organizimin e samitit të NATO-s në 2027
27 Dhjetor, 10:19 -
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15
