POP 5

Lajmet më të lexuara të 5 minutave të fundit

Ekonomi

Vendimi, shtyhet gjyqi
për markimin e karburantit

Gjykata Kushtetuese ka shtyrë për në datën 3 tetor vendimin për koncesionin e shumëpërfolur të markimit të karburanteve.
Vendimi, shtyhet gjyqi<br />për markimin e karburantit
TIRANE - Gjykata Kushtetuese ka shtyrë për në datën 3 tetor vendimin për koncesionin e shumëpërfolur të markimit të karburanteve. Marrëveshja dhjetëvjeçare, përmes të cilës qeveria i jep monopolin e markimit të karburanteve një kompanie private nga Austria, u padit në Gjykatë si antikushtetuese nga Shoqata e Shoqërive Hidrokarbure.

Padia është ngritur mbi procedurat e ndjekura nga qeveria për koncensionin. Sipas kontratës, koncensionari privat do të përfitojë 6.5 euro për çdo ton karburant që qarkullon në Shqipëri, në tregun e brendshëm apo për eksport.

Qeveria e ka miratuar marrëveshjen pa e votuar në Kuvend, por, sipas juristëve, tarifa prej 6.5 euro për ton është 'de facto' një taksë e pastër kombëtare. Dhe autoritetin për të vendosur taksa kombëtare, me Kushtetutë, e ka vetëm Kuvendi i Republikës. Pikërisht shmangia e Kuvendit nga qeveria është dhe baza, mbi të cilën është ngritur padia.
Koncensioni është kundërshtuar fort, jo vetëm nga Shoqata e Hidrokarbureve, por edhe nga opozita e mëparshme, që ka paralajmëruar anulimin e saj.

Sipas atyre, që tani janë në pushtet, Berisha i ka dhënë kompanisë private të drejtën dhjetëvjeçare të një monopoli që kushton 150-200 milionë euro në total. Paratë do të paguhen nga qytetarët në çmimin final të naftës, për një shërbim i cili deri tani është kryer me kosto zero nga Inspektoriati Qendror Teknik. Zyrtarisht gjykata thotë se arsyeja e shtyrjes së vendimit është se Shoqata ka bërë një kërkesë-padi shtesë dhe se palët e tjera të interesuara janë vënë në dijeni të saj vetëm pak ditë më parë.

Por arsyeja e vërtetë lidhet me zhvillimet politike në vend, ku në parlamentine  sapoformuar pas zgjedhjeve të përgjithshme të qershorit, po konstitutohet qeveria e re, e shprehur qartazi kundër koncensionit.

Shkrimi u botua sot në gazetën Shqiptarja.com (print) 11.09.2013
 
Redaksia online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça