Trajneri i Italisë Giampiero Ventura në një intervistë të gjatë për “Corriere Della Sera” flet për skuadrën që po ndërton, futbollistë të veçantë dhe për ndeshjen e radhës atë ndaj Shqipërisë.
 
Ashtu siç bëri edhe pak ditë më parë Ventura e vlerëson shumë përballjen me djemtë e De Biasit dhe duket se e gjithë vëmendja e tij është tek dueli i 24 marsit.
 
Madje trajneri i Italisë shkon larg duke thënë se e shqetëson më shumë ndeshja me Shqipërinë se sa ajo ndaj Spanjës.

“Më shumë më shqetëson ndeshja e marsit ndaj Shqipërisë pasi e kemi me detyrim fitoren dhe kemi vetëm 4 ditë për tu përgatitur. Nuk e di nëse për këtë ndeshje do jemi gati të luajmë me skemën 4-2-4. Ndërsa ndaj Spanjës jam i bindur që do bëjmë një ndeshje shumë të mirë” përfundon Ventura .

Redaksia Online
Al.N/Shqiptarja.com