Edukimi financiar duhet të nisë që në bankat e shkollës fillore, dhe nuk duhet të ndalojë pasi tregu financiar po ndryshon nga viti në vit. Për dy javë fëmijët, të rinjtë, të rriturit e deri tek grupet vulnerabël do të jenë në fokus së ekspozitës ‘Money Smart, edukim financiar për të gjithë’, e hapur nga banka qendrore.
“Qëllimi është ta fillojmë edukimin financiar që në moshë të re. Edukimi Financiar duhet të jetë pjesë e edukatës qytetare dhe siç sillen mirë me të gjitha shërbimet qytetare ato duhet të sillen mirë edhe me shërbimet financiare”, shprehet zëvendësguvernatorja Luljeta Minxhozi.
Trajnimet do jenë të fokusuara që nga njohja e parave, fitimi, kursimi, shpenzimi i tyre, përdorimi i teknologjisë për pagesa apo transferta online, por edhe mbrojtja e monedhave nga rreziqet, sidomos në kushtet e zhvillimit teknologjik dhe rritjes së sulmeve kibernetike apo mashtrimeve.
“Ata duhet të jenë të informuar se sistemi financiar ka edhe rreziqe, dhe duhet të kenë informacion edhe për mbi mënyrat e shmangies së rreziqeve”, tha Minxhozi.
Kjo ekspozitë është çelur në kuadër të Strategjisë së Edukimit Financiar të miratuar në fillim të vitit nga Banka e Shqipërisë, që siç shprehet zëvendësguvernatorja Luljeta Minxhozi do i përgjigjet zhvillimeve teknologjike të dekadës.
“Strategjia jonë është e qëndrueshme, dhe do të shërbejë për 10 vitet e ardhshme, duke marrë në konsideratë dhe shërbimet e të ardhmes. Sistemi financiar është dinamik dhe pritet që produktet e shërbimet të diversifikohen shumë dhe strategjia i merr parasysh këto zhvillime”, pohon zv/guvernatorja.
Edhe pse përfshirja dhe edukimi financiar vitet e fundit është rritur, pasi 78% e popullsisë mbi 18 vjeç ka një llogari bankare, përsëri në strategjinë 2024-2026 thuhet se një qytetar shqiptar zotëron njohuri financiare rreth 10% më pak sesa është mesatarja globale.
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Komisioni Ekonomisë ‘pro’ pr/buxhetit 2025! PD voton kundër! Tabaku: Nuk parashikohen fondet për pensionet! Braçe: Të rritet buxheti për sigurinë kibernetike
15 Nëntor, 11:36
-
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21
