Shqipëria i hapi dyert turistëve nga e gjitha bota për të kaluar pushimet verore në vendin tonë pa i kërkuar një pasaportë vaksinimi, siç kryeministri Edi Rama u shpreh në nisje të procesit të vaksinimit masiv. Për realizimin e këtij objektivi, operatorët turistikë thonë se Shqipëria duhet të arrihet marrëveshjes dypalëshe mes Shqipërisë dhe shteteve të BE-së që turistëve të huaj, t’u mundësohet lëvizja edhe në vendet jo-anëtare, siç është vendi ynë.
“Duhen edhe marrëveshje bilaterale apo multilaterale, me vende të BE me qëllim që pasaporta e vaksinës që ata do lëshojnë ta promovojnë edhe për lëvizje jashtë zonës së BE-së, ku sot për sot është e kufizuar. Është e domosdoshme që vendi të lobojë me Greqinë dhe Italinë, për hapje dypalëshe mes dy vendeve”, tha eksperti për turizmin, Besnik Vathi.
Mikpritja e Shqipërisë për turistët e huaj, thotëeksperti për turizmin, Besnik Vathi, lidhet ngushtësisht me procesin e vaksinimit në Evropë.
“Vaksinimi masiv i popullatës është një ngjarje e mirë me tepër rëndësi por mos të harrojmë që turizmi nuk varet vetëm nga a je i hapur ti si vend, a je i vaksinuar ti si vend, por varet shumë edhe nga vaksinimi i atyre që vijnë. Nëse vaksinimi nuk shkon mirë në Evropë, fillimi i sezonit veror do të jetë i ngadaltë, dhe ndoshta hapjet nga ana e tyre do të jenë të vona”, u shpreh Vathi.
Përpos vlerësimit, Vathi kërkon që edhe turizmi të jetë ndër sektorët prioritarë të vaksinimit.
“Jo thjesht vaksinim masiv, por duhet një radhë. Duhet të filloj vaksinimi në turizëm, fillimisht tek ata që punojnë nëpër hotele, restorante apo agjenci, pra ata që do të kenë kontakte me turistët, me qëllim që të shërbejë edhe si një mënyrë për ta promovuar turizmin shqiptar si të sigurt”, shprehet Vathi.
Turizmi në vitin e kaluar humbi rreth 1.1 miliardë euro, ndërkohë që edhe këtë vit panorama paraqitet e zymtë.
“Nëse në pranverën e vitit 2020 u anuluan rezervimet e bëra më parë, në pranverën e këtij viti nuk ka asnjë anulim sepse nuk kishte asnjë rezervim. Për verën nuk ka ende rezervime sepse ende shtetet nuk kanë dhënë data për hapjen, dhe kjo situatë të bën të mendosh që edhe vera e këtij viti të jetë e rrezikuar. Ndoshta 2022 do të jetë periudhë normale por ky vit është jo-normal”, pohoi Vathi.
Lajme të tjera
-
Mirela Kumbaro për 'Radio Evropa e Lirë': Shqipëria synon turizëm elitar me gjithë sfidat
24 Nëntor, 18:13 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Vjeshta në Lepushë dhe Vermosh, pamje mahnitëse nga fshatrat turistikë mes Alpeve! Pronarët e bujtinave: Kemi turistë, por s’ka kush u shërben
4 Nëntor, 15:16
-
Shkëlqimi dhe fundi pa lavdi i ‘Turizmit të Ri’ të Kukësit
4 Nëntor, 11:26 -
Turizmi, Rama: Jemi rritur me 3.2 milion udhëtarë përmes TIA! Tetori arriti në 942 mijë pasagjerë, 47% më shumë se vjet
2 Nëntor, 21:24 -
Barometri Botëror i Turizmit e rendit Shqipërinë në vend të parë në Europë, Rama: Kryesojmë për rritjen e numrit të vizitorëve
30 Tetor, 12:30 -
Vera ka mbaruar, por turistët e huaj s’i ndahen Shqipërisë! Britanikët lundrojnë në Vjosë me kanoe, Rama poston pamjet pikante (VIDEO)
29 Tetor, 08:39 -
Strategjia ‘Turizmi 2030’/ Punonjësit sezonal në turizëm, pagë edhe jashtë sezonit! Qëllimi, të mbahen të kualifikuarit
27 Tetor, 17:15
-
Stacione plazhi vetëm për hotelet, Topuzi: Pozitive, të luftohet informaliteti! Pa paketa ‘all-inclusive’, s’ka turistë cilësor
25 Tetor, 16:38
