Veri-Jug ka udhëtuar në kryeqendrën e veriut të Shqipërisë, në Shkodër dhe është ndalur në dy familje zanatçinjsh të vjetër. Në dyqanin e vogël të Xhevdet Cenit, këpucbërës dhe tek Myzafer Duraku, riparues biçikletash ose biçiklist.

Ndiqni hap pas hapi magjinë e punës, krijimin e këpucëve të reja disa prej të cilave kanë shkuar deri në Amerikën e largët dhe pasionin e një biciklisti që mban në muret e servisit një fotografi të rrallë, dy biçiklistë fotografuar nga studio Marubi në vitin 1897.

Ndiqni reportazhin “Shkodra, qyteti i zanatçinjve duarartë”, të dielën, premierë, ora 13.30, nën moderimin e gazetarit Agim Pipa.

Rendit zhvillimet sipas orarit:
Ora 16:04
Këpucar 60 vjet me çekiç në dorë, Xhevat Ceni rrëfen historinë e zanatit

 

Xhevdet Ceni, këpucar i vjetër në lagjen Perash të Shkodrës, rrëfen historinë e punës dhe zanatit të këpucbërësit, prej më shumë se 60 vjetësh.

S.B/Shqiptarja.com

Ora 16:00
Mjeshtër në riparimin ne biçikletave, Myzafer Duraku rrëfen zanatin që ka trashëguar nga babai i tij

 

Myzafer Duraku, mjeshtër në riparimin ne biçikletave në qytetin e tij të vendlindjes, thotë se zanatin e punës e ka trashëguar nga babai I tij dhe me këtë zanat ai mund të mbajë ekonomikisht familjen e tij.

S.B/Shqiptarja.com