POP 5

Lajmet më të lexuara të 5 minutave të fundit

Sport

‘Verrati i ri’ dhe ish-i i Atletico-s, dy goditjet e Milanit për të kapur Championsin

Në një situatë të vështirë financiare dhe në gjyq me UEFA-n Milani po mundohet të bëjë përforcimet e duhura në merkaton e janarit. Sipas mediave italiane janë dy lojtarët që Gatusso në bashkëpunim me dyshen Leonardo-Maldini synojnë për të afruar në skuadër.

‘Verrati i ri’ dhe ish-i i Atletico-s, dy goditjet e Milanit për të kapur Championsin

Transfertat në merkato, Fair Play Financiar, CAS dhe objektivi Champions League. Janë këto peripecit ku Milanit i duhet të gjejë një balancë që në fund të sezonit të arrijë objektvinin në “Seria A”.

Për momentin primare te “djalli” është ndërhyrja në merkaton e janarit, që është edhe sesioni i parë i plotë nën fuqinë e fondit “Elliot”. Goditja e parë është bërë e ditur që në ditët e para të dhjetorit, me Paqueta-n i mbërritur nga Brazili për 35 mln euro. 21-vjeçari është gati për të debutuar në vendin e Bonaventura-s të dëmtuar, por Gatusso shpreson ende për përforcime të tjera.

Mediat italiane shkruajnë se në radarët e drejtuesve kuqezinj është Stefano Sensi, mesfushori i Sassuolo-s. Në dështim të tratativave për Gabbiadin-in, 23-vjeçari shihet si njeriu i duhur për të përforcuar repartin më të dobët të “djallit”. Sensi thuhet se është “Verrati i ri” i Italisë, i cili përveçse mund të luajë si organizator, shpesh herë ka bërë edhe mesfushorin e krahut.

Për të supozohet formula e huazimit me të drejtë blerje në fund. Sigurisht nëse do të jetë i aftë të bind Gatusso-n. Një tjetër goditje që synon të bëjë dyshja Leonardo-Maldini është në sulm. Morata tashmë duket shumë larg, pasi zërat për një këmbim me Higuain-in janë shuar. Pista e re është Yannick Carrasco, 25-vjeçari i cili luan me Dalian Yifang në Kinë. Belgu i cili më parë ka qenë pjesë e Atletico Madrid dëshiron të rikthehet në Europë, por problemi më i madh mbetet paga pasi ai paguhet si “top player”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lezhë, shtëpia muze e ‘Mlikjave’ rrezikon që të shembet

Lezhë, shtëpia muze e ‘Mlikjave’ rrezikon që të shembet

24 Nëntor, 18:30