Vesa Luma : “Fëmijët kritikët e mi më të mëdhenj”

Ndodh që të vegjlit na lënë shpesh me gojë hapur nga pyetjet e tyre, me të cilat na vendosin me shpatulla pas muri dhe nuk dimë sesi t’i përgjigjemi. Në të njëjtën pozitë është ndier edhe Vesa Luma e cila ka mbetur gojëhapur para pyetjeve që i kanë bërë fëmijët e emisionit “1001 Pse”, drejtuar nga Arbana Osmani. ”E bombarduar me pyetjet e fëmijëve të 1001 pse në Top Channel”, ka shkruar Vesa në faqen e saj zyrtare në “Facebook”. Madje ajo nuk e ka lënë me kaq këtë koment, duke theksuar se pyetje si: “Sa para fiton në koncerte?” apo “Sa burra do të kesh?”, e kanë bërë të besojë se fëmijët janë “kritikët” më të mëdhenj.