Në takim u bisedua mbi situatën politike në Kosovë dhe sfidat që po i kalon si shtet i ri në forcimin e sovranitetit dhe njohjes ndërkombëtare të subjektivitetit të saj. Nga delegacioni sllovaku kërkua njohja sa me shpejtë e Kosovës, sepse u vlerësua se kjo do të sillte përparim kualitativ e jo vetëm kuantitativ në stabilizimin e Kosovës, si ne rajon ashtu edhe në BE.
Theks të veçantë gjatë takimit ju dha edhe raporteve në mes Kosovës dhe Serbisë.
Lideri i Vetevendosjes ka thënë se Kosova si shtet i ri, ka nevojë urgjente për ushtrimin e sovranitetit në tërë territorin e saj, ruajtjen e integritetit territorial dhe zhvillimin ekonomik, duke mos harruar sundimin e ligjit dhe transparencën në punën e institucioneve.
Ndërkaq delegacioni sllovak paraqiti përvojat e Sllovakisë në këto fusha.