Vetëvrasja e Mehmetit, Enver
Hoxha: Nuk dinim që ishte agjent

Si e komentonin drejtuesit e lartë të regjimit, vetëvrasjen e ish-kryeministrit Mehmet Shehu, thuajse një vit e gjysëm pas atij akti? Në mbledhjen e 13 qershorit 1983 të sekretariatit të Komitetit Qendror, kësaj ngjarje dhe motiveve të saj i kushtohet një pjesë e mirë e diskutimeve.

Sot sjellim për lexuesit pjesën e tretë dhe të fudnit të procesverbalit të kësaj mbledhjeje, ku ndër të tjera bëhet një vlersim historik i figurës së Mehmet Shehut që nga vite te luftës e deri në aktin e vetëvrasjes. Pjesa e fundit e dokumentit fokusohet në diskutimetet rreth vetëvrasjes së tij, dënimit politik për fejesën e të birit, dhe çështjen e agjenturës, rreth së cilës, siç pohon Hoxha, deri disa kohë pas vetëvrasjes as që e dinin që kishte qenë agjent.

Siç pohon Hoxha, ai u dënua si “armik” për shakak të aktit që ndërmori, pra të vetëvrasjes, por zbulimi i tij si agjent ndodhi kohë më vonë.
Veç të tjerash në këtë procesverbal zbulohen edhe shumë detaje interesante rreth letrave anonime që i shkonin Enver Hoxhës, dhe rëndësinë që u jepte ai atyre letrave.