POP 5

Lajmet më të lexuara të 5 minutave të fundit

Politikë

Vetoja e Francës për negociatat/ Mbështetësi i PD, Eduard Kukan: I neveritur! Macron një sabotator i heshtur

Përfaqësuesi historik i së djathtës Europiane, Eduart Kukan është treguar i ashpër me Macron duke thënë se ai ka luajtur rolin e një sabotuesi të heshtur prej një kohe të gjatë.

Vetoja e Francës për negociatat/ Mbështetësi i PD, Eduard Kukan: I neveritur! Macron një sabotator i heshtur

Eduard Kukan, njohës i mirë i Ballkanit dhe ish-ministër i Jashtëm i Sllovakisë, ka deklaruar se është i neveritur dhe i indinjuar nga vetoja që vendosi Franca për të mos hapur negociatat e anëtarësimit të Shqipërisë dhe Maqedonisë së Veriut.

Përfaqësuesi historik i së djathtës Europiane dhe mbështetësi i Partisë Demokratike në Shqipëri, Kukan ka hedhur akuza ndaj presidentit francez Emmanuel Macron duke thënë se ai është një sabotator i heshtur dhe ka kohë që e bën këtë. Ndër të tjera Kukan shkruan se nuk e besonte se vendimi për Shqipërinë dhe Maqedoninë e Veriut do të ishte negativ.

Deklarata e plotë e Kukan:

"Jam shumë i neveritur dhe e indinjuar nga pozicioni i Francës në samitin e BE-së, i cili ka çuar në shtyrjen e mëtejshme të procesit të zgjerimit të BE-së. Unë e kisha një ide, sepse Presidenti Francez Macron prej kohësh ka luajtur rolin e një sabotatori të heshtur. Sidoqoftë, nuk besoja se ata ishin drejtuar në një vendim të tillë për Maqedoninë e Veriut dhe Shqipërinë. Vendim shumë dritëshkurtër dhe i papërgjegjshëm.

Tashmë, pjesa tjetër e besueshmërisë që kemi akoma atje do të humbasë në të gjithë Ballkanin Perëndimor. Ky është një gjest degradues drejt këtij rajoni strategjik për interesat globale të BE-së.

Do të dëshiroja t'u bëj thirrje partnerëve tanë të Ballkanit Perëndimor që të mos jenë të neveritur. Edhe pse e kuptoj plotësisht se sa e vështirë është. Në BE, ata kanë një shumicë miqsh dhe politikanë seriozë që do të vazhdojnë të punojnë me ta intensivisht për të arritur ambiciet e tyre evropiane. Do të dëshiroja t'u bëj thirrje atyre që të dëshmojnë në përparimin e tyre të ardhshëm evropian se ata kujdesen më shumë për krijimin e një Evrope të tërë dhe të bashkuar sesa ata që e komplikojnë veten sot." ka shkruar Kukan.


Lajmi kryesor:

Liderët e BE pa vendim për negociatat! Macron veto Shqipërisë e Maqedonisë së Veriut...Zgjerimi 'shtyhet' në 2020
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Më shumë se 40 të vrarë nga sulmet pakistaneze në Afganistan

Më shumë se 40 të vrarë nga sulmet pakistaneze në Afganistan

25 Dhjetor, 22:18