Veton Surroit i hiqet titulli 'Qytetar nderi' në Kukës, Rama: Lajthitje kolektive!Parlamenti të ndërhyjë njëherë e mirë për çështjet e titujve dhe medaljeve

Kryeministri Edi Rama ka reaguar pas heqjes së titulli "Qytetar Nderi" për Veton Surroi nga Këshilli i Qarkut të Kukësi duke e cilësuar si një lajthitje kolektive dhe se parlamenti duhet të ndërhyjnë njëherë e mirë lidhur me çështjen e titujve dhe medaljeve. Rama nuk ka nguruar të prek edhe çështjen e medaljeve të dhëna nga presidenti Ilir Meta për heronjtë e luftrave të shkuara që sipas tij janë gjëra absurde që ndodhi vetëm në Shqipëri, ku titujt jepen dhe hiqen sipas dëshirës së një personi.

"Vendimi i Këshillit të Qarkut të Kukësit për heqjen e titullit "Qytetar Nderi" Veton Surroit është një lajthitje kolektive që uroj Prefekti do ta refuzojë! Ndërkohë parlamenti duhet të ndërhyjë për ta normuar njëherë e mirë çështjen e titujve e të medaljeve. Ky vend s'mund të jetë një planet më vete brenda botës që e ka sistemuar me kohë e me vakt këtë punë, ku s'ka president që jep medalje për heronjtë e luftrave të shkuara se kështu i thotë koka dhe s'ka këshill që ia heq titullin dikujt me kërkesë të disave! Boll me këtë absurd", shkruan Rama


Lajmi kryesor:

Kritikoi UÇK-në, Këshilli i Qarkut të Kukësit i heq titullin 'Qytetar Nderi' Veton Surroit! Rama: Lajthitje kolektive! Tërhiqet Gjici: Kërkojmë ndjesë, se menduam gjatë


I.K./r.k./Shqiptarja.com
  • Sondazhi i ditës:

    A duhet që kandidatët për deputetë të jenë nga e njëjta zonë ku caktohen?



×

Lajmi i fundit

John

HEC-i në Maqedoninë e Veriut po than Ohrin! Eksperti: Liqeni është tërhequr 1 m nga bregu, duhet ndërhyrë urgjentisht