Vetting-u, dalin emrat/ Trupa gjykuese që do shqyrtojë kreun e Gjykatës Kushtetuese në KPA

TIRANË- Kolegji i Posaçëm i Apelimit ka publikuar emrat e trupës gjykuese që pritet të shqyrtojë çështjen në ngarkim të kreut të Gjykatës Kushtetuese, Bashkim Dedja. Trupa gjykuese e përbërë nga Ardian Hajdari, Luan Daci, Albana Shtylla, Natasha Mulaj dhe Rezarta Schuetz, do të shqyrtojnë kërkesën e Komisionerit Publik që ankimoi më 26 korrik vendimin e KPK-së. Komisioneri Publik, Darjel Sina, ankimoi vendimin e Komisionit të Pavarur të Kualifikimit, pas kërkesës që bëri ONM. Sipas Komisionerit Publik, kreu i Gjykatës Kushtetuese, Bashkim Dedja nuk ka nivel besueshmërie për të qendruar në detyrë. Ankesa e komisionerit publik, lidhet me mospërputhjet në pasurinë e Dedës. Komisioni i Pavarur i Kualifikimit, konfirmoi në detyrë, Bashkim Dedën më 13 qershor. Në përfundim të procesit, Dedja tha se procesi ishte ‘si të kalosh varrin për së gjalli’.

Më 20 korrik, ONM rekomandoi pranë Komisionerit Publik, ankimimin e këtij vendimit. Dosja e Dedës përçau trupën gjykuese të KPK-së. Valbona Sanxhaktari, Roland Ilia dhe Xhensila Pine, shqyrtuan dosjen e Dedës dhe udhëhoqën hetimin e ndarë në 3 shtylla. Relatorja Xhensila Pine, tha se Bashkim Dedja duhet të shkarkohej nga detyra, pasi pasuria e tij ishte e dyshimtë. Bëhet fjalë për 3 apartamente me burime të dyshimte pasurore, për të cilat Dedja nuk kishte arritur ta bindte relatoren Xhensila Pine.

LEXO EDHE:
KPA shkarkon prokurorin Erjon Pano

TAG:
• vettingu
• kpa
• Bashkim Dedja

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.7%

• Të gabuar

  83.6%

• Nuk e di

  4.7%

Vota total: 5422

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di