Zbulohen lista e zezë e Operacionit Ndërkombëtar të Monitorimit me kandidatët, të cilët kanë aplikuar për të shërbyer në institucionet e Vetingut. Teksa Kuvendi, pas tre muaj rezistencë të Partisë Demokratike, zhbllokoi procesin, ONM ka sqaruar arsyet e përjashtimit të 87 kandidatëve.

Në një dokument prej 17 faqesh që i është dorëzuar Kuvendit të Shqipërisë, ONM sqaron se rekomandimi për përjashtimin e kandidatëve është dhënë në rastet kur përvoja ishte e pamjaftueshme, kur mungonte dokumentacioni, kur kishin lidhje te ngushta familjare me anëtarë të gjyqësorit, kur nuk justifikojnë pasurinë apo edhe kur më herët kishin shkelur praktikat e mira gjyqësore dhe administrative.

ONM: Ja pse i përjashtuam 87 kandidatë  
31 kandidatë kanë marrë rekomandim negative për shkak se u mungon përvoja dhe 24 për shkak të mungesës së dokumentacionit. Vëzhguesit ndërkombëtarë kanë dhënë rekomandim negativ për 6 kandidatë për shkak të ekzistencës së konfliktit të interesit. Po ashtu, ONM ka përjashtuar disa kandidatë edhe për konflikt interesi.

Vëzhguesit ndërkombëtarë të ONM kanë arritur në përfundimin se ekzistenca e lidhjeve të ngushta familjare ndërmjet tyre dhe anëtarëve aktualë të gjyqësorit shqiptar mund të çoje në një perceptim publik të afërsisë së subjekteve të Vetingut dhe paanësisë, e për rrjedhojë kjo sjell mungesën e besimit dhe sigurisë publike në institucione.

Vëzhguesit e ONM
Ekipi i vëzhguesve afatgjatë i ONM, i përbërë i përbërë nga prokurorë dhe gjyqtarë nga Shtetet e Bashkuara të Amerikës dhe Bashkimit Evropian, do të marrin në dorë dosjet e pasurive të njerëzve më të lartë të drejtësisë.

ILDKP ka kaluar në skaner deklaratën e plotë të pasurisë së Prokurorit të Përgjithshëm, Adriatik Llalla, i cili bëri një betejë epike për të sekuestruar serverin me deklarata e pasurive.

Po ashtu, referuar përparësisë së parashikuar në ligjin e Vetingut, ILDKP ka kaluar në formë elektronike deklaratat e pasurisë dhe dokumentacionin shoqërues të anëtarëve të Gjykatës Kushtetuese dhe të Gjykatës së Lartë.

Një kopje e dosjeve të pasurive të funksionarëve në fjalë të drejtësisë do t’i kalojnë Bordit të Menaxhimit të Operacionit Ndërkombëtar të Monitorimit. Nga ana e tij, Bordi i ONM, do të vërë dosjet në dispozicion të ekipit të vëzhguesve.
 
Lista e zezë me disa nga kandidatët e përjashtuar
 
Ardian Alushani
Arben Spaho
Arbër Shehu
Axhem Çeta
Blerta Turku
Bujara Madani
Davis Visari
Enea Babbliku
Erion Bejko
Ersida Zoto
Ersilda Palluqi
Florian Prendi
Genti Bedalli
Hasan Shkalla
Ibrahim Disha
Idlir Tivari
Jude Sulejmani
Lekë Hamzaraj
Loreta Poro
Madrid Lemeti
Majlinda Shkira
Mirilla Kondakçiu
Moris Backa
Oneda Islami
Renato Ndokaj
Sabri Hoxha
Saimir Kraja
Shpresim Bajraktari
Silvana Shehaj
Tedi minga
Vladimir Vladaj
Erin Caku
Kestrin Katro
Monika Meca
Nejla Peka
Rezart Abdiu
Shqipe Halilaj

Redaksia Online
l.q/Shqiptarja.com