Komisioneri Publik i ka bërë kërkesë Kolegjit të Pavarur të Kualifikimit që të lërë vë fuqi vendimin për të vazhdimin e detyrës për gjyqtaren e Apelit për Krimet e Rënda, Nertina Kosova.
Katër muaj më parë, Komisionieri ankimoi vendimin e KPK me argumentin se nuk ka bërë hetim të plotë për gjyqtaren, por pas provave të paraqitura ka kërkuar lënien në detyrë të saj.
Do të jetë Kolegji i Pavarur i Apelimit që do të thotë fjalën e fundit. Vendimi do të jepet me datë 26 korrik.
( Kliko këtu ) për dokumentin e plotë të Komisionerit Publik
"Në vlerësim të Komisionerit Publik, shqyrtimi gjyqësor nga ana e Kolegjit mbi bazën e shkaqeve të ankimit, në referencë të nenit 179/b, pika 5, i Kushtetutës, nenit C, pika 2, neni F, pika 2 dhe 3 e aneksit të Kushtetutës dhe ligjit nr. 84/2016, evidentoi disa mangësi të konstatuara gjatë hetimit të çështjes nga ana e Komisionit. Këto mangësi u vërejtën në disa elementë të kontrollit të kriterit të pasurisë si, saktësia dhe mjaftueshmëria e deklarimit të pasurisë (periodike/vetting), përmbushja e detyrimeve financiare, hetimi në mënyrë shteruese i burimit të ligjshëm të krijimit të pasurisë, të ardhurave dhe likuiditeteve. Ky hetim në rastin konkret ishte i domosdoshëm, si përsa i takon subjektit të rivlerësimit, ashtu edhe personave të lidhur/të tjerë të lidhur me të, me qëllim krijimin e bindjes mbi besueshmërinë, në vlerësimin e këtij kriteri.
Komisioneri Publik vlerëson, se shqyrtimi gjyqësor i kësaj çështjeje, në vlerësimin e përgjithshëm të procedurave të procesit të rivlerësimit, provoi nevojën që për raste të ngjashme, kur rrethanat faktike dhe juridike e lejojnë, merita dhe kërkimi i ankimit të Komisionerit Publik të jetë alternativ kundrejt juridiksionit kontrollues të Kolegjit, pasi sikundër ky rast dëshmoi, të gjitha shkaqet e ankimit të Komisionerit Publik, në referencë të nenit 52 të ligjit nr. 84/2016, gjetën përgjigje nga rreth 70 provat të reja të paraqitura nga subjekti i rivlerësimit gjatë shqyrtimit gjyqësor.
Ky fakt, në vlerësimin e Komisionerit Publik, e bën të justifikuar vendimmarrjen e këtij trupi gjykues për lënien në fuqi të vendimit nr. 43/2018 të Komisionit, por me një tjetër arsyetim. Komisioneri Publik vlerëson se vendimi përfundimtar i këtij trupi gjykues duhet të përfshijë në arsyetimin e tij ligjor çështjet e patrajtuara gjatë shqyrtimin të çështjes në Komisioni, të cilat u hetuan gjatë gjykimit, si rrjedhojë e shkaqeve të ngritura në ankim. Çështje të tilla këto si, cilësimi i të atit të subjektit si person tjerër i lidhur, në cilësinë e kryefamiljarit, analiza financiare e kryer për këtë qëllim dhe nevoja në përcaktimin drejtë të gjendjes së fakteve që kanë lidhje me kontrollin dhe burimin e ligjshëm të pasurisë së subjektit të rivlerësimit dhe personave të tjerë të lidhur me të, nën dritën e provave të reja të administruara. Subjekti ka paraqitur dhe janë administruar, pëfshirë këtu edhe prova të reja, (i) 61 akte (gjithsej 365 fletë) në seancën e datës 12.6.2019; (ii) 8 akte (gjithsej 32 fletë) në seancën e datës 3.7.2019 dhe (iii) 2 akte lidhur me shpenzimet e subjektit për udhëtimet jashtë vendit, në seancën e datës 19.7.2019.
Kërkimi përfundimtar: Nga sa u parashtrua më sipër, Komisioneri Publik, z. Florian Ballhysa në vlerësim tërësor të të gjithë provave të administruara gjatë shqyrtimit dhe hetimit gjyqësor të kësaj çështjeje, i kërkon këtij trupi gjykues, lënien në fuqi me një tjetër arsyetim të vendimit nr.43, datë 18.07.2018 të Komisionit të Pavarur të Kualifikimit për subjektin e rivlerësimit znj. Nertina Kosova", shkruhet në kërkesën e tyre.
Nertina Kosova
Lajme të tjera
-
Buxheti 2025 rrezikon të fusë në ngërç tranzicionin e procesit të Vetingut
8 Nëntor, 18:09 -
KPA rikthen në detyrë prokurorin e Tiranës, Genci Qana ishte shkarkuar tre vite më parë nga KPK, ONM e kritikoi si 'vendim të paarsyeshëm'
1 Tetor, 18:06 -
Komisioneri Publik ankimon vendimet e KPK-së! Kërkon shkarkimin nga detyra të gjyqtarëve Artan Hajredinaj dhe Ardiana Bera
18 Qershor, 19:35 -
Pas vendimit të KPA, Prokurorja Antoneta Sevdari kthehet në detyrë! Shteti duhet t’i kthejë pagat që prej përjashtimit në shkurt 2019
13 Maj, 12:54
-
Komisioneri Publik si ONM kërkon shkarkimin e Prokurorit të Tiranës, Valentin Preçi! Me gruan të papunë bleu apartament, kredinë ia pagoi vjehrri! Fshehu udhëtimet me vëllezërit Frroku
3 Maj, 16:49 -
Raporti për lirinë/ Freedom House: Qasja e shqiptarëve në drejtësi po përmirësohet! Shqipëria dhe Kosova vende ‘pjesërisht të lira’ pavarësisht përparimeve
29 Shkurt, 07:43 -
Kaloi vettingun, Komisioneri Publik ankimon vendimin për prokuroren e Elbasanit, Zena Lila
23 Shkurt, 16:42 -
Komisioneri kërkon shkarkimin e prokurorit të Tiranës Arben Agovi: Ka mangësi profesionale që s'plotësohen as me trajnim
30 Janar, 10:33 -
U shpall fajtor për fshehje pasurie, Ish anëtari i Kolegjit të Posaçëm të Apelimit, Ardian Hajdari dënohet me 1 vit burg! Dënimi i konvertohet në 2 vite shërbim prove
24 Janar, 13:18 -
Komisioneri publik ankimon konfirmimin në detyrë të prokurores së Tiranës Suela Salavaçi
22 Nëntor 2023, 16:14 -
Komisoneri Publik ankimon në KPA vendimin për konfirmimin në detyrë të prokurorit të Durrësit, Elidon Hysenajt
14 Nëntor 2023, 18:27 -
Konfirmoi në detyrë prokurorin Enklid Gjini, Komisioneri Publik ankimon vendimin e KPK
3 Tetor 2023, 16:06
