TIRANË-Taulant Balla tha sot nga foltorja e Kuvendit se PD kërkoi pazar në nisje të sesionit parlamentar për të ndryshuar ligjet e Vettingut. Kryetari i grupit parlamentar theksoi se maxhoranca iu përgjigj negativisht një oferte të tillë nga opozita e cila sipas tij synon të pengojë ngritjen e Byrosë Kombëare të Hetimit, strukturë e cila do hetojë zyrtarët e lartë të përfshirë në akte korruptive apo dhe kriminale. Deklaratës së Ballës, iu përgjigj PD pak orë më vonë, në një deklaratë për mediat. PD thotë se nuk ka kërkuar dhe nuk do të kërkojë kurrë pazar me kryeministrin Edi Rama, për Vetting-un. PD thotë se mazhoranca ka kaluar sot, propozimet për Vettingun që sipas PD, demokratët kanë 1 vit që i kërkojnë.
Kur ne nisëm këtë sesion, PD ofroi pazar për ndryshimin e 7 ligjeve. Ne nuk do të bëjmë kurrë pazar për Vettingun e Drejtësisë. PD ka sjellë në Kuvend dy faqe letër dhe synon të pengojë ngritjen e Byrosë Kombëtare të Hetimit. Nuk bëhet Vettingu duke shkuar në hotele. Ata duhet të jenë sot këtu që çojnë përpara reformës në drejtësi.
Taulant Balla, kryetar i grupit parlamentar të PS
'Vettingu nuk bëhet nëpër hotele', Balla ironi me Bashën
Kryetari i grupit parlamentar socialist ka komentuar edhe propozimin e opozitës për Vettingun në politikë. Duke u ndalur te bojkoti nga PD dhe LSI, Balla ironizoi se "Vettingu nuk bëhet nëpër hotele", lidhur me mbledhjet që ka zhvilluar opozita paralelisht me Kuvendin në disa qytete të vendit, por duke marrë pjesë në punimet e seancave për të çuar përpara Reformën në Drejtësi. Balla tha se përveç PD, Lulzim Basha ka marrë peng edhe LSI-në.
Këto tre vendime janë konfirmimi më i qartë i faktit se kush e ka bindjen dhe me seriozitet vettingun ne drejtësi. Dhe këtu është dallimi mes nesh dhe të munguarve të sotëm, është mbështetja më e qartë e jona për reformën. Për shkak të mungesës së kryetarit, nuk kishin hotel sot për të shkuar. Sot halli i opozitës është Lulzim Basha. Sot ai jo vetëm ka marr peng partinë e tij, por edhe të Monikës.
Taulant Balla, kryetar i grupit parlamentar të PS
Balla u ndal edhe te akuzat e opozitës të opozitës dhe ish-komisarit Emiljano Nuhu në adresë të tij, se është kërcënuar me jetë brenda në stacionin e policisë së Fushë Krujës. Ai i kërkoi Prokurorisë të zbardhë nëse ai dhe deputeti i Krujës, Rrahman Rraja kanë qenë apo jo në stacionin e policisë së Fushë Krujës mbrëmjen e pretenduar nga ish-oficeri tashmë në arrati.
Prokuroria të zbardhë akuzat kemi qenë atje apo jo. Kjo histori do të jetë historia e radhës e trupit të radhës. Luzim Basha është i përfshirë në një shantazhim të deputetëve dhe kryetarit të grupit parlamentar të forcës më të madhe politike, për të cilin e garantoj se nuk shantazhohem kurrë, nga Lulzimi jo e jo, se të shantazhohem nga Lulzimi është turp. PS nxori prova të qarta sesi Lulzim Basha ka shantazhuar bnizneset mnë këmbim të parave për kompaninë e kunatit të tij. Si mund ta besojnë shqiptarët një njeri i cili këtej zotohet se do bëjë Vettingun e oligarkëve dhe pasdite iu merr faturën për kompaninë e vëllait të tij. Do i kërkoja Ministrisë së Financave, Drejtorisë së Tatimeve të bëjnë publike të dhënat që kemi siguruar. Si ka mundësi që një kompani në dy vite deklaron xhiro mbi 2 mld lekë në vit, më njërin vit paguan tatim-fitim 10%, dhe në vitin tjetër vetëm 2%. A është ky evazion fiskal? U takon autoriteteve. Kryetari i opozitës shantazhon biznesin në këmbim të fitimeve, sot opozita është shantazhuesve e sipërmarrjes së lirë.
Taulant Balla, kryetar i grupit parlamentar të PS
Kryetari i grupit parlamentar të PS, Taulant Balla u vu në qendër të akuzave nga ish-oficeri i Fushë Krujës, Emiljano Nuhu. Ky i fundit u shpreh në një videodenoncim të publikuar nga mediat pranë PD se ishte kërcënuar në zyrë nga të afërm të deputetit socialist Rrahman Rraja, në prani edhe të Taulant Ballës.
Partia Demokratike i është përgjigjur sot kreut të grupit parlamentar socialist, Taulant Balla, i cili tha sot se PD kërkoi Pazar pak javë më parë për të ndryshuar ligjet e Vettingut.
Në një deklaratë të shpërndarë në media, selia blu sqaron se mazhoranca ka kaluar sot pa praninë e opozitës një sërë amendamentesh që PD i kishte kërkuar që një vit më parë. PD thekson se nuk ka kërkuar kurrë Pazar me qeverinë për Vetting-un, dhe se platforma e propozuar ka patur si qëllim, vetëm respektimin e kushtetutës.
Deklarata e plotë e PD
PS miraton me një vit vonesë amendamentet e opozitës për të mos iu shkurtuar fondet organeve të vettingut.
Partia Socialiste refuzoi një vit më parë amendamentet e opozitës për të miratuar pa asnjë shkurtim kërkesën e organeve të vettingut për burime njerëzore.
Ishte vendim i Edi Ramës që të shkurtonte me 40 % numrin e këshilltarëve dhe stafit ndihmës të organeve të vettingut.
Sot, një vit më vonë Edi Rama u kthye tek amendamentet e opozitës.
Për të mbuluar faktin se u bë pengesë qëllimisht për funksionimin e shpejtë të organeve të vetingut, nxiti Taulant Ballën të shpifë kundër opozitës.
Qeveria e Edi Ramës nuk mund të mbulojë lidhjet me krimin e organizuar me përbetimet e dashurisë ndaj Reformësn në Drejtësi, zbatimin etë cilës po e vonon prej 2 vjetësh.
Opozita nuk ka kërkuar dhe nuk do të kërkojë kurrë Pazar me Edi Ramën!
7 pikat e platformës së opozitës kishin për qëllim vetëm zbatimin e Kushtetutes.
Edi Rama nuk e do këtë, sepse është përkrah bandave dhe është armiku kryesor i shtetit ligjor.
Lajme të tjera
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38 -
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48 -
Lobimi në SHBA dhe dosja CEZ-DIA/ Kryemadhi shkon në SPAK me vajzën: Erdha të lexoj fashikujt! Nesër Apeli i GJKKO-së vendos për dhe për Metën! Presidenti i PL-së: Mos protestoni (VIDEO)
18 Nëntor, 13:13 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
