POP 5

Lajmet më të lexuara të 5 minutave të fundit

Kronikë

Vëzhgimi i Report Tv, bombolat me azot tregtohen online! 640 gr kushton 9 mijë lekë të reja! 2 kg kushton 13 mijë lekë të reja

Një bombol me oksid azoti, që sipas investigimit të Report Tv shitet online në rrjetet sociale, kushton nga 9 mijë lekë deri në 13 mijë lekë të reja, në varësi të peshës së saj. Një bombol 640 gr, mbush 70 deri në 80 tullumbace që të rinjtë e përdorin si lëndë narkotike. Pronarët e lokaleve i kanë shumë të lehtë për të gjetur një bombol të tillë, pasi në rrjetet sociale gjen reklamë të tilla, pa ndonjë pengesë.

Pak ditë më parë, Report Tv përmes një investigimi, zbuloi se tullumbacet me oksid azoti, lëndë që me ligj përdoret vetëm në spitale për qëllime mjekësore, tregtohen hapur në lokalet e natës, në zonat më të frekuentuara të Tiranës. Ajo shërbehet si çdo produkt tjetër, me informacionin përkatës nga kamarieri dhe me faturë. Një prej tyre kushton nga 300 deri në 500 lekë të reja, në varësi të standardit dhe zonës.

Por si përfundon në lokalet e natës kjo substancë e dëmshme, që shkakton eufori, humbje të vetëdijes, halucinacione, deri në humbje të jetës nëse përdoret në sasi të mëdha. Report Tv bëri një vëzhgim në rrjetet sociale, ku zbuloi se bombolat me oksid azoti shiten lehtësisht online.

Po në këtë faqe online publikohen edhe video të personazheve të famshëm shqiptarë që i konsumojnë tullumbacet me oksid azoti.

Gazetari i Report tv u paraqit si një klient potencial i të këtyre bombolave, duke komunikuar me poseduesin e faqes online në Instagram, për të zbuluar më shumë rreth tyre.

Biseda e gazetarit me tregtarin e bombolave me oksid azoti online

Gazetari: Përshëndetje si jeni?! Këto bombolat që keni a janë për tullumbace, për qejf?

Tregtari: Po vlla ato janë

Gazetari: Që të bëjnë high (gjendje euforike)? Sa lekë bëjnë?

Tregtari: Kemi bombula smartwhip kushton 90 mijë lekë të vjetra (9000 lekë të reja), është 640 gr, shkon 45-50 mbushje. Kemi edhe exotic whip që është 2 kg kushton 130 mijë lekë të vjetra (13000 lekë të reja) shkon 70-80 mbushje.

Gazetari: Çfarë kanë brenda këto vëlla dhe a janë të dëmshme?

Faqja online: Me azot janë vëlla

Gazetari: Oksid azoti?

Faqja online: Po

Biseda vijon më tej dhe gazetari interesohet për mënyrën se si mund të sigurohen këto bombula, me pretekstin për ta tregtuar në lokalin e tij.

Gazetari: Po mendoj të hap një lokal dhe të fus nga këto, mos na vjen ndonjë kontroll në lokal, a janë të lejueshme?

Faqja online: Të gjithë lokalet i kanë. Për momentin unë i fus në doganë, i kam faturë tvsh, se ç’a do ndodhi më mbrapa, s’e di

Gazetari: Me pagujt tvsh normale apo nën dorë?

Faqja online: O vllai paguhet tvsh në doganë, siç vjen produkti nga jashtë, e merr me faturë.

Kjo substancë e re që po përdorin të rinjtë në Shqipëri, i ka gjetur të papërgatitura autoritetet, përfshirë dhe mangësitë ligjore për ta ndaluar atë. Policia është në hapat e para kundër fenomenit. Një arrestim u bë këtë të premte.

B.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 23/09/2023 02:32

    Perdoret dhe ne pije kokteji.S.d.q kur mediat e trajtojne pak si shume temen e kesaj lloj droge,u shton kuriozitetin per t'a provuar dhe atyre qe nuk e kane provuar ndonjehere,apo nuk ja dine dhe emrin.Ne nuk duam te shtohet klientela.

    Përgjigju
  • Njeri: 22/09/2023 21:42

    Me sa di,ky gaz perdoret dhe ne gastronomi,pervec te tjerash dhe njelloj si karburet ose tutkalli,po te abuzosh ,kthehet ne "droge", si dhe alkoli,qe me qejf e taksojme me akcize ,ose duhani... Njeriu do kerkoje gjithmone dicka per te humbur mendjen dhe gjithmone do ta gjeje..

    Përgjigju
  • Beni: 22/09/2023 17:49

    Po shteti ku është po opozita ku është apo mendojnë si e si të mbushin xhepat po nejse shqiptari duron dhe mirë bën në një vend ku vrasja me pagesë është bërë punë ske çfarë pret më paçi fat me të gjitha.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mozambiku në kaos pas protestave, 33 të vdekur nga revolta në burg dhe mbi 1500 të arratisur

Mozambiku në kaos pas protestave, 33 të vdekur nga revolta në burg dhe mbi 1500 të arratisur

26 Dhjetor, 16:46