POP 5

Lajmet më të lexuara të 5 minutave të fundit

Kronikë

Vëzhgimi i Report Tv në lumin e Tiranës së kthyer në 'bombë ekologjike'/ Mbetjet urbane i 'marrin frymën' natyrës

Report Tv bëri sot një vëzhgim në rrjedhën e lumit të Tiranës në urën që lidh kryeqytetin me Qafë Kasharin dhe Rinasin për të treguar gjendjen ku mbetjet i kanë 'marrë frymën' lumit, ashtu si shumë të tillë në të gjithë vendin.

TIRANE-Një ditë më parë ministri i Brendshëm Sandër Lleshaj paralajmëroi nisjen e një aksioni për pastrimin e lumenjve të vendit duke nisur nga Erzeni. Report Tv bëri sot një vëzhgim në rrjedhën e lumit të Tiranës në urën që lidh kryeqytetin me Qafë Kasharin dhe Rinasin për të treguar gjendjen ku mbetjet i kanë 'marrë frymën' lumit, ashtu si shumë të tillë në të gjithë vendin.

Gazetari i Report Tv Arsen Rusta solli realitetin e dhimbshëm nga katastrofa urbane e ndotjes së mjedisit. Në pjesën e lumit gjenden qese plasmasi, pjesë makinash, perde, rroba, por edhe shumë mbetje të tjera plastike të cilat u janë ngjitur pemëve duke dëmtuar dhe tharë trungjet.

Mbetjet, të cilat njerëzit nuk i hedhin në kosh, por në rrugë dhe lumë në zona të caktuara kanë arritur jo vetëm deri te trungjet, por në 'kate' deri te gjethet e pemëve. Panorama që solli Report Tv është mjaft e trishtë dhe një kambanë alarmi, pasi natyra ka 'ngritur' flamurin e bardhë duke u dorëzuar përballë asaj që i ka bërë njeriu.

Por çfarë parashikon Kodi Penal për ndotjen? "Ndotja e ujërave të deteve, lumenjve, liqeneve apo burimeve të rrjetit grumbullues e shpërndarës të ujërave me lëndë toksike, radioaktive apo substanca të tjera, që prishin ekuilibrin ekologjik, dënohet me burgim nga një gjer në pesë vjet.

Po kjo vepër, kur ka shkaktuar pasoja të rënda për jetën e shëndetin e njerëzve, dënohet me burgim nga pesë gjer në dhjetë vjet' thuhet në Kod, por parashikimet janë vetëm në letër, pasi në realitet është ndryshe nuk ka asnjë të ndëshkuar për 'bombën ekologjike' që dora e njeriut ka shkaktuar në kryeqytet, pak metra larg zyrave të atyre që nuk duhet të kishin lejuar që krimet mjedisore të agravonin deri këtu. Puna për 220 inspektorët e IKMT-së është e madhe.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Miri: 06/05/2020 03:13

    I shpëlaftë fshatarëte virusi i shpëlaftë!

    Përgjigju
  • krutani: 05/05/2020 23:22

    Mbillni peme anash shtratit te lumejve qe lumi te mos shkatarroje tokat e punueshme…..kemi shume pak toke , e nuk duhet te na e marre lumi...

    Përgjigju
  • Andon L.: 05/05/2020 17:43

    Nuk është vetëm lumi i Tiranës. Lumi i vogël që vjen nga Surreli dhe kalon nga vila e Rolling Hills është në situatë më të rëndë. Pamje e turpshme. Por katastrofa më e madhe ekologjike është tek Liqeni Artificial i Tiranës. Nuk ka oksigjen në ujë sepse nuk ka ujë të freskët

    Përgjigju
  • ina: 05/05/2020 16:51

    BRAVO MINISTRIT LLESHAJ,,,POR KETA NDYRESIRA E MALOKE TE QELBUR QE HEDHIN MBETURINAT NE LUME DUHET TE FUTEN NE BURG,,,OSE TE DENOHET ME GJOBE DERI NE 10 MILION LEKE,,,TE HEDHIN PASTAJ GJE NE LUME....

    Përgjigju
  • Llahtarshqiptar: 05/05/2020 16:39

    Tmerr qe ka 20 vjet e kusur ne Shqiperi dhe askush nuk can koke. Nje ushtri me parazite zyrave te shtetit e meazallah se bejne dicka per kete masaker mjedisore. Dhe shqiptareve nuk ua vret fare syte shemtia per te cilen kontribuojne cdo dite.

    Përgjigju
  • meri: 05/05/2020 14:05

    Keto pamje te TMERROJNE...,Ne i marrim frymen natyres por...,natyra po na i perplas ne fytyre por..problemi eshte se Ne jemi qerruar dhe nuk shikojme.Me te qerruar se Ne,jan qeverria dhe ne veçanti M.Mjedisit,merreni prej dore dhe çojeni ne keto vende M.Mjedisit,nuk arrij ta kuptoje se si nuk i'u vjen turp qe marrin rrogen kot keta PARAZIT QEVIRRITAR...

    Përgjigju
  • Vlore: 05/05/2020 14:01

    Sa gjynah populle barbarë qe nuk do mjedisin e vendit të vet, turp!

    Përgjigju
  • Sondazhi i ditës:
    2 Dhjetor, 20:45

    Jeni dakord që prokurorët e SPAK të kenë mundësinë për një mandat tjetër?

Lajme të tjera



×

Lajmi i fundit

Kuvendi/ Gjylameti ironizon opozitën për amendamentet: 'Si Liza në botën e çudirave!' Spiropali i 'tërheq veshin': Më shumë respekt për Lizën...

Kuvendi/ Gjylameti ironizon opozitën për amendamentet: 'Si Liza në botën e çudirave!' Spiropali i 'tërheq veshin': Më shumë respekt për Lizën...

3 Dhjetor, 18:37