Cristiano Ronaldo vazhdon të mos ndalet në garën e tij personale për rekorde, teksa të hënën shënoi golin e radhës në Ligën Profesionale Saudite. Megjithatë, goli i portugezit nuk mjaftoi për Al Nassr, që u mund 3-1 në derbin e javës së 14-të kundër Al Hilal.

Ylli 39-vjeçar zhbllokoi rezultatin në minutën e 42-të, pas një aksioni të ndërtuar mirë nga verdheblutë dhe asistimit të Kingsley Coman, duke i dhënë Al Nassr avantazhin në fund të pjesës së parë.

Por në fraksionin e dytë loja mori tjetër ritëm. Al Hilal përmbysi gjithçka me golat e shënuar nga Salem Al Dawsari (11 m), Malcom dhe Ruben Neves (11m), duke konfirmuar statusin e kampionit në fuqi. Me këtë sukses, Al Hilal ngjitet në kuotën e 38 pikëve dhe forcon kryesimin, ndërsa Al Nassr mbetet i dyti me 31 pikë.

Goli i shënuar e çon Ronaldon në kuotën e 959 realizimeve në karrierën profesionale, duke mbetur vetëm 41 gola larg kuotës së 1000 golave. Nga ky total, 817 gola janë realizuar në nivel klubesh dhe 142 me fanellën e kombëtares së Portugalisë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera