Chelsea leksion futbolli Milanit, ‘djalli’ largohet nga kreu i grupit! Juve shijon 3 pikët e para, City ‘goleadë’ (VIDEO)

Chelsea leksion futbolli Milanit, ‘djalli’ largohet nga kreu i grupit! Juve shijon 3 pikët e para, City ‘goleadë’ (VIDEO)

Festa e PSG

Një leksion i pastër futbolli. Kjo ishte ajo që Milan mori në supersfidën e Champions League kundër Chelsea-s, pasi në Londër kampionët e ‘Seria A’ u mposhtën me rezultati 3-0. ‘Djalli’ dha sinjale pozitive në minutat e para, por nuk do kalonte shumë dhe Wesley Fofana do kalonte në avantazh ‘blutë’ pas një rrëmuje në zonë. Kaq në pjesën e parë, ndërsa në të dytën të besuarit e Potter realizuan edhe dy herë me Aubameyang dhe Rice James. Kjo disfatë i solli Milan edhe humbjen e vendit të parë, pasi tani ‘djalli’ renditet i 3 me 4 pikë, po aq sa Chelsea i vendit të dytë. Sakaq vendin e parë në grupin E e mban Salzburgu me 5 pikë që mbrëmë fitoi 1-0 kundër Dinamo Zagreb.

3 pikët e para në Champions mori edhe Juventus, që fitoi 3-1 në Torino kundër Macabi Haiffa-s. Golat u realizuan nga Rabiot ‘dopietë’ dhe Vlahovic, ndërsa në tërësi shkëlqeu Di Maria. Kjo fitore e fut ‘zonjën’ në luftë për kualifikim, ndërsa lajmi jo i mirë ishte barazimi 1-1 i Benfica-s kundër Paris SG. Në Portugali shënoi fillimisht Leo Messi për francezët, ndërsa një autogol vulosi shifrat. Të dy skuadrat janë në kuotën e 7 pikëve, ndërsa Juventus ka vetëm 3.

Në grupin F Real Madrid vijon të mos njohë rival, pasi fitoi edhe kundër Shakhtar Donetsk me rezultatin 2-1. Në Bernabeu realizuan Rodrygo dhe Vinicius Junior, ndërsa sfida tjetër e këtij grupi mes Leipzig dhe Celtic përfundoi me rezultatin 3-1 në favor të gjermanëve. Në grupin G Manchester City shkatërroi 5-0 Copenhagen, ndërsa Halaand realizoi një tjetër ‘dopietë’. Në  sfidën tjetër të grupit Dortmund fitoi 1-4 në Spanjë kundër Sevillia-s.

Benfica 1-1 PSG (Dailo ag 41' / Messi 22') 

Chelsea 3-0 Milan (Fofana 24' Aubameyang 56' James 62') (VIDEO)

Juventus 3-1 Macabi Haifa (Rabiot 35' 83' Vlahovic 50')

City 5-0 Copenhagen (VIDEO)

Real Madrid 2-1 Shakhtar Donetsk (VIDEO)

Sevilla 1-4 Dortmund (VIDEO)

Rendit zhvillimet sipas orarit:
Ora 09:30
M.City i pamëshirshëm kundër Copenhagen, Halaand realizon si ‘jashtëtokësor’ (VIDEO)

 

Nga grupi G Manchester City është thuajse i kualifikuar pasi në Etihad e mundi edhe Copenhagenin me goleadë 5-0. Tre fitore në po kaq ndeshje për djemtë e Guardiolës që i mbyllin shumë shpejt llogaritë që në pjesën e parë me tre gola dy prej të cilëve u shënuan nga Haaland. Në fraksionin e dytë shënuan edhe Mahrez e Alvarez.

Ora 08:10
Real Madrid s’njeh kundërshtar në grup, brazilianët ‘likuidojnë’ edhe Shakhtar Donetsk (VIDEO)

 

Tre fitore në po kaq ndeshje për Real Madrid në grupin F dhe kryesim me pikë të plota 9-të të tilla. Los Blancos e kanë hipotekuar kualifikimin në një grup që nuk pritej të kishin vështirësi. Mbrëmë në “Bernabeu” Reali mundi 2-1 Shakhtar Donetsk me golat e brazilianëve Rodrygo e Vinicius.

Ora 08:05
Goli magjik i Messi-t nuk mjafton, Benfica-Paris SG ndajnë pikët në Portugali (VIDEO)

Benfica dhe PSG barazuan 1-1 në Lisbonë dhe vijojnë të jenë së bashku në kryesimin e grupit me nga 7 pikë pas tre ndeshjeve të para. Leo Messi kaloi miqtë në avantazh ,megjithatë Benfica barazoi që në pjesën e parë e më pas deri në fund rezultati nuk ndryshoi më.

Ora 06:05
Milan kapitullon pa kushte në Londër, Chelsea i Brojës ringjallet me ‘djallin’ (VIDEO)

 

Chelsea ka fituar 3-0 ndaj Milanit ndeshjen kryesore të mbrëmjes së djeshme në Champions League. Kuqezinjtë fundosen në Londër dhe humbasin edhe vendin e parë në grupin E. Milani e pati shumë të vështirë edhe për shkak të mungesave të shumta e Chelsea e zhbllokoi rezultatin  që në pjesën e parë me Fofana e më pas në të dytën shënuan Aubameyang e James. Fitorja e parë për Chelsean në grup dhe ngjitet në vend të dytë me 4 pikë. Të martën e ardhshme sfida do të luhet në “ Sa Siro”.

Ora 05:15
Juventus shijon 3 pikët e para, ‘dopieta’ e Rabiot zgjon ëndrrën për kualifikim (VIDEO)

Në grupin H Juventusi nuk ka gabuar por ka mundur 3-1 Maccabi Haifa dhe mbetet në garë për kualifikimin që gjithsesi do të jetë sërish një çështje e komplikuar. Di Maria ishte ai që shkëlqeu por golat u shënuan dy herë nga Rabiot në minutat 35 e 83 dhe rrjetën po ashtu e tundi edhe Vlahovic. Bardheiznjtë marrin tre pikët e para në këtë Champions.

S.DH/Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Shefi i kabinetit të presidentit Zelenskyt: Pas samitit në Zvicër do t’i paraqesim Rusisë planin për paqe

Shefi i kabinetit të presidentit Zelenskyt: Pas samitit në Zvicër do t’i paraqesim Rusisë planin për paqe