VIDEO/ Arsenali asnjë gjuajtje në kuadrat, Porto i mposhti me supergol! Arteta: Mungoi agresiviteti

Porto fitoi 1-0 kundër Arsenalit në fazën e 1/8 në Champions League dhe në ndeshjen e kthimit që luhet më 12 mars shkon me një rezultat të favorshëm. Ishte supergoli i Galenos në limitet e sfidës (90+4) që çoi peshë të pranishmit në "Do Dragao", teksa nëse shohim statistikat Arsenali në 94 minuta nuk bëri asnjë goditje në portë.

Pas ndeshjes trajneri i "Topçinjve", Mikel Arteta ka thënë se skuadrës së tij i mungoi agresiviteti në fazën sulmuese.

"Natyrisht që ne duhet ta menaxhojmë lojën shumë më mirë kur nuk mund të fitosh. Mënyra se si e trajtuam topin në tre raste në zona të thella, nuk është mjaft e mirë. Na mungonte kërcënimi, më shumë agresivitet, veçanërisht kur e kishim topin në afërsi të zonës mike, veçanërisht në lojën me shpinë, duhet më shumë forcë për të dëmtuar kundërshtarin", tha Arteta.

LEXO EDHE:
GOLAT/ Arsenali 'shuplakë' Chelseat, e shkërmoq 5-0 në Londër! 'Topçinjtë' në krye të Premier League

Paçka se ka bërë mirë në Premier League, Arsenal sheh që të pësojë humbje në Champions League dhe ndeshjen e kthimit në "Emirates" nuk do e ketë të lehtë.

S.DH/Shqiptarja.com

TAG:
• champions league
• porto
• arsenal
• Mikel Arteta