POP 5

Lajmet më të lexuara të 5 minutave të fundit

Sport

VIDEO/ Atletico hakmerret ndaj Realit, e eliminon nga Kupa e Mbretit! Edhe Barcelona në çerekfinale

Hakmarrja e Atletico Madrid ndaj Realit është shërbyer e nxehtë. Vetëm pak ditë pasi u eliminuan nga Superkupa, të besuarit e Simenones kanë eliminuar galaktikët në Kupën e Mbretit.

Ka rezultuar një tjetër thriller derbi i Madridit mes Atletico-s dhe Realit, por ndryshe nga gjysmëfinalja e Superkupës pak ditë më parë, në 1/8 e Kupës pati një tjetër fitues. Atletico Madrid e Simeone-s u kualifikua në çerekfinale pas 120 minutash lojë me rezultatin 4-2, në një kohë kur 90 minutat u mbyllën me rezultatin e barbartë 2-2. Vendasit në Wanda Metropolitano kaluan dy herë në avantazh, por në të dy rastet Reali i Ancelotti arriti të barazonte.

Në shtesë fillimisht Griezman dhe më pas Riquelme i siguruan Atletico-s kualifikimin, ndërsa Reali e pati të pamundur të reagonte sërish. Për ‘elcolchoneros’ kjo ishte edhe një hakmarrje për eliminimin nga Superkupa, ndërsa janë skuadra e vetme që këtë sezon e kanë mposhtur dy herë Real Madridin.

Biletën e çerekfinales, edhe pse me vështirësi ndaj një skuadre në Primiera Divizion, e preu edhe Barcelona. Katalanasit fituan 1-3 në transfertë kundër Unionistas, ndërsa në këtë përballje ishin vendasit të cilët realizuan të parët. Pas barazimit të siguruar në fundin e pjesës së parë nga Torres, në të dytën përmbysën shifrat për Barcelonën Kounde dhe Balde.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A respektohen të drejtat e punëtorëve në Shqipëri?

Lajme të tjera



×

Lajmi i fundit

Vrasja e kryekomisar Adem Tahiraj nga ‘i forti i Shijakut’, Gjykata konsideron shpalljen fajtor të dy policëve që nuk ndërhynë për të ndaluar ngjarjen

Vrasja e kryekomisar Adem Tahiraj nga ‘i forti i Shijakut’, Gjykata konsideron shpalljen fajtor të dy policëve që nuk ndërhynë për të ndaluar ngjarjen

2 Maj, 18:09