Në "Benito Villamarin" Betis dhe Barcelona barazuan 2-2 në një ndeshje dramatike dhe me emocione deri në sekondat e fundit. Katalanasit kaluan në epërsi me të zakonshmin Lewandowski në minutën e 39-të, ndërsa Lo Celso barazoi me penallti në pjesën e dytë. Ferran Torres kaloi ekipin mik sërish në avantazh tetë minuta nga fundit, ndërsa Diao barazoi në shtesën e katërt. Veç pikëve të lënë, Barcelona pa edhe kartonin e kuq për trajnerin Hansi Flick në minutën e 66-të. Paçka formës jo të mirë në javët e fundit, Barça me 38 pikë qëndron në krye të La Ligas.


Lajmi kryesor:

GOLAT/ Barcelona lë pikë kundër Betis, Real Madrid fiton 0-3 në Katalonjë dhe i afrohet ekipit të Flick