Në 'Olimpic Lluis Companys' Barcelona fitoi 4-0 kundër Dortmundit. Katalanasit e Hansi Flick dominuan takimin dhe avantazhin e gjetën pas 25 minutave lojë me golin e Raphinhas. Pasimi i Cubarsi u shfrytëzua nga kapiteni që gëzoi tifozët. Fraksioni i dytë vërtetoi lojën e mirë të Barçës dhe në minutën e 48-të Raphinha bëri 'kamerierin' duke pasuar për Lewandowskin, aty ku polaku nuk mund të gabonte. Sërish Lewa-golski shënoi golin e tretë të ndeshjes në minutën e 66-të, duke vërtetuar se 36-të vitet mbi supe janë thjesht një numër. Spektakli i Barçës nuk u ndal me kaq, pasi Raphinha asistoi sërish në minutën e 77-të, këtë herë për Yamal dhe djaloshi i artë "vulosi" sfidën në 4-0 për të pasur avantazh të mjaftueshëm në ndeshjen e kthimit që luhet në Dortmund në datën 15 prill.


Lajmi kryesor:

GOLAT/ Barcelona 'shtyp' Dortmundin me 4 gola dhe prek gjysmëfinalet e Champions League, PSG përmbys 3-1 Aston Villan
S.Dh/Shqiptarja.com
  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera