VIDEO/ Bayern Munich fiton në transfertë dhe merr kreun, Dortmund bën detyrën në shtëpi! Në Bundesligë fitojnë edhe Frankfurt, Hoffenheim e Wolfsburg

Bundesliga gjermane e futbollit është në javën e 13-të. Këtë të shtunë u zhvilluan disa nga duelet e këtij raundi, me skuadrat pretendente që bënë detyrën. Kështu, Bayern Munich fitoi 2-3 në transfertë me Hertha Berlin, Dortmund mundi në shtëpi 3-0 Bochum, Frankfurt fitoi 1-2 me Augsburg, teksa fitore morën edhe Hoffenheim dhe Wolfsburg.

Në Olympiastadion, Bayern fitoi 2-3 me Hertha Berlin. Të pestë golat e ndeshjes u shënuan në 45 minutat e para, me skuadrën e Nagelsmann që përkohësisht merr kreun e Bundesligës në pritje të Union Berlin që ka një duel më pak. Për Herthën shënuan Lukebakio dhe Selke, teksa Musiala dhe dopieta e Choupo-Moting dërgojnë bavarezët në krye të Bundesligës me 28 pikë, dy më shumë se Union Berlin që ka një ndeshje për të zhvilluar. Hertha me 11 pikë mban vendin e 14-të.

Në "Iduna Parku", Dortmund fitoi 3-0 me Bochum. Golat për skuadrën e Terzic u shënuan nga Reyne dhe Moukoko me dopietë. Në të tetën minutë 17 vjeçari Moukoko hapi ndeshjen, teksa në të 12 Reyna shënoi të dytin. Në shtesën e dytë të pjesës së parë Moukoko dërgoi në "kasafortë" tri pikët me golin e tretë. Me këtë fitore, Dortmund mban vendin e tretë me 25 pikë, ndërsa me shtatë pikë Bochum qëndron në fundin e renditjes.

Werder Bremen për javën e 13 në Bundesligë fitoi 2-1 me Schalke 04. Vendasit e Werner nuk e patën të lehtë, pasi Schalke e nisi vrullshëm aqsa iu anullua një gol nga VAR në të 16 minutë. Sfida u hap me Fullkrung në të 30 minutë, për të vijuar me golin e dytë dhe të qetësisë për Bremen në të 76 me Ducksch. Në fundin e takimit dhe konkretisht në të 89 minutë, Draxler shkurtoi për miqtë. Me këtë humbje Schalke mbetet në fundin e renditjes me 6 pikë, ndërsa Bremen me 21 pikë mban vendin e shtatë, një më pak se zona europiane.

Rezultatet:

Augsburg 1-2 Frankfurt (M. Berisha 1 / Rode 13', Knauff 64')

Dortmund 3-0 Bochum (Moukoko 8', 45+2', Reyna 12')

Hertha Berlin 2-3 Bayern Munich (Lukebakio 40', Selke 45' / Musiala 12', Choupo-Moting 37', 38')

Hoffenheim 1-2 RB Leipzig (Rutter 50' / Nkunku 17', 57')

Mainz 0-3 Wolfsburg (Uimmer 33', Arnold 70', Baku 84')

Werder Bremen 2-1 Schalko 04 (Fullkrug 30', Ducksch 76' / Dranler 89')

Renditja:

Rendit zhvillimet sipas orarit:

Të Fundit Të Parat

S.DH/Shqiptarja.com

TAG:
• dortmund
• Bayern Munchen
• Bundesliga