VIDEO/ Çudira në Kupën e Amerikës, presidenti i federatës së Argjentinës merr asistent për t'i fshirë djersët

Kupa e Amerikës në futboll ka prodhuar çudira, teksa në qendër të kritikave është vendosur presidenti i Federatës Argjentinase të Futbollit, Claudio Tapia.

Pas fitores së Argjentinës me Kanadanë, në rrjetet sociale është publikuar një video që ka tërhequr vëmendje. Ajo kishte si protagonist Claudio “Chiqui” Tapia, president i Federatës Argjentinase të Futbollit (AFA) , ulur në një vend në tribunë, ndërsa Luciano Nakis, sekretar i federatës që po përdorte një peshqir për të tharë djersët e presidentit.

Kjo video u bë shpejt virale dhe la shumë dyshime për punësimin nga Tapia të një personi përgjegjës për tharjen e djersës, në mes të një klime me temperatura të larta në SHBA.

Presidenti i Federatës së Futbollit të Argjentinës shpjegoi se ndihma e drejtuesit ishte për shkak të një problemi shëndetësor; "Unë as nuk mund të lëvizja," tha ai në llogarinë e 'X'.

 

S.DH/Shqiptarja.com

TAG:
• kupa e amerikes
• Argjentina
• claudio tapia