Në nj konferencë përpara gazetarëve, Mourinho është shfaqur me një bluzë të United në të cilën ishin vendosur inicialet e Claudio Ranierit.
“Inicialet e tij mbi bluzën time, janë një dedikim i vogël që unë dua t’i bëj dikujt që shkroi historinë më të bukur të Premier League, dikujt që meriton që stadiumit i Leicester City të mbajë emrin Claudio Ranieri”, u shpreh Mourinho pasi u pyet nga gazetarët për bluzën që mbante veshur.
Ashtu si Italiani edhe Mouriho është shkarkuar nga stoli i Chelsea, vetëm pak muaj pasi fitoi çmimin kampion me Blutë e Londrës.
Gjatë këtij sezoni Leicester nuk ka mundur të ruaj të njëjtin “ritëm” me atë të vitit të kaluar, duke fituar vetëm 5 ndeshje që prej fillimit të kampionatit.
Pozicionimi vetëm një pikë larg zonës së rënies nga kategoria, ka bërë që drejtuesit të merrnin vendimin për largimin e trajnerit italian, i cili i bëri ata kampion
të Anglisë, Claudio Ranieri.