Superliga shqiptare e futbollit çeli këtë të shtunë javën e 12-të. Në "Arenën e Demave" në kryeqytet, Egnatia mposhti 0-1 Erzenin që ishte vendas. Për shkak se shijakasit nuk e kanë një stadium në kushtet e duhura, ai i Partizanit është bërë në ndeshjen e dytë shtëpia e tyre.

Rrogozhinasit ia dolën të merrnin tri pikë me vlerë, që i dërgojnë sërish në krye të renditjes, në pritje të ndeshjes së rivalëve të Partizanit. Ndeshja nisi me ritëm dhe raste, ndërsa lojtarët në fushë ishin me fat pasi shiu i rrëmbyer i orëve të fundit kishte pushuar.

Pjesa e parë ishte pa histori, me skuadrat që i lanë gjithçka fraksionit të dytë. Duhej minuta e 54 që Zejnullai të kalonte në epërsi Egnatian me një gol të bukur. Fundi i ndeshjes ishte dramatik, me kryesoren Emanuela Rusta që edhe pas konsultës me VAR i dha karton të kuq mbrojtësit Fangaj, duke lënë për më shumë se shtatë minuta Egnatian me një lojtar më pak.

Në minutat e mbetura shijakasit e Deliallisit shtuan sulmet, teksa në fund pretenduan për një penallti, gjë që solli edhe protesta, por kryesorja nga Elbasani edhe pas konsultës me VAR mendoi se gjithçka ishte e rregullt, duke mbyllur 0-1 ndeshjen.

Kështu, Egnatia me 26 pikë mban kreun e renditjes, tre pikë më shumë se Partizani që ka dy ndeshje më pak. Erzeni me 13 pikë mbetet në vendin e tetë.

Superliga - java e 12-të:

E shtunë

17:00 Erzeni 0-1 Egnatia

E diel

13:30 Kukësi - Dinamo

17:00 Teuta - Laçi

17:00 Skënderbeu - Tirana

E hënë

18:00 Partizani - Vllaznia

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera