Kukësi humbi 0-2 me Erzenin në "Kukës Arena". Ndeshja e javës së 17-të në Superligë u vendos nga golat e Alan dhe Patrick Nonato, teksa më herët te vendasit gaboi nga pika e penalltisë Basa. Dueli nisi mirë për djemtë e Hallaçit, me Basën që shpërdoroi rastin më të mirë të ndeshjes duke goditur shtyllën e djathtë pingule nga penalltia. Pas këtij rasti, Erzeni ia doli që në një aksion të shënonte me Alan në fundin e pjesës së parë (45+2'). Kur pritej që vendasit të barazonin, Nonato në minutën e 62 shënoi golin e dytë dhe të qetësisë për Erzenin e Kapllanit. Shijakasit tanimë janë skuadra për t'u mundur dhe nuk mund të quhen më një surprizë. Me këtë fitore Erzeni shkon në kuotën e 26 pikëve në vendin e katërt, teksa Kukësi me 16 pikë mban vendin e fundit në klasifikim.


Lajmi kryesor:

VIDEO/ Kukësi s'di të fitojë, Erzeni i bën gjëmën në shtëpi! Teuta dhe Egnatia ndajnë pikët
S.Dh/Shqiptarja.com
  • Sondazhi i ditës: 12 Mars, 14:12

    PS rrëzon kërkesën e SPAK për arrestimin e Ballukut, si e vlerësoni?

Lajme të tjera