(Video) Gazetari Holandez bëhet pjesë e video-konferencës së ministrave të mbrojtjes së BE/ Borrell: E dini që kjo është një vepër penale?

 

Teknologjia sa të ndihmon, edhe të ndëshkon në kohën kur nuk di ta përdorësh si duhet. Në sajë të një postimi të ministrit të Mbrojtjes Holandez, një gazetar arriti të behët pjesë e takimit të fshehtë të ministrave të mbrojtjes të BE.  

Daniel Verlaan i RTL Nieuws, shfaqet në video tejet i befasuar kur e kuptoi se ishte bërë pjesë e video konferencës.

"E dini që keni hyrë në një konferencë të fshehtë?", i tha shefi i politikës së jashtme të BE Josep Borrell.

"Po, po. Më vjen keq. Unë jam një gazetar nga Holanda. Më vjen keq që ndërpreva konferencën tuaj," u përgjigj Z. Verlaan, i shoqëruar edhe nga të qeshurat e ministrave "Unë do të largohem tani ".

Borrell iu drejtua duke thënë "E dini që  kjo është një vepër penale, hë? Më mirë të dilni shpejt përpara se të vijë policia."

Z. Verlaan arriti të hynte në takim pasi Ministri Hollandez i Mbrojtjes Ank Bijleveld postoi në Twitter një foto që përmbante adresën e hyrjes dhe një pjesë të kodit PIN.

"Pas një numri përpjekjesh, RTL Nieuws arriti të gjente kodin PIN të mbledhjes sekrete, sepse pesë nga gjashtë shifrat e kodit=ishin të dukshme në foto," tha media.

Ndërsa shumë e kanë parë anën qesharake  të ngjarjes kjo ngre pyetje serioze mbi sigurinë e takimeve konfidenciale të BE-së.

Një zëdhënës i Ministrisë Holandeze të Mbrojtjes tha se postimi i detajeve të hyrjes kishte qenë një gabim trashanik.

 

S.M./r.k./Shqiptarja.com
  • Sondazhi i ditës:

    Mësimi në Universitete do vazhdoje online, ju duket i drejtë vendimi i Komitetit të Ekspertëve?

Komento


×

Lajmi i fundit

John

EKSKLUZIVE/ Pandemia po shfrytëzohet për pastrim parash, Report Tv zbardh dokumentin: Janë rritur mashtrimet, paratë e krimit do të investohen në prona