VIDEO/ Gjesti i turpshëm! Prezantuesja e BBC ngre gishtin e mesit gjatë edicionit të lajmeve

Gjesti i turpshëm i bërë në transmetim nga një prezantuese e BBC-së, në fillimin e reportazhit të lajmeve në orën 12 të së mërkurës, është bërë viral orët e fundit.

Sipas Daily Mail, Mariam Mosiri ngriti gishtin e mesit menjëherë pas hapjes së reportazhit, pasi siç duket nuk e kuptoi në kohë se transmetimi i drejtpërdrejtë kishte nisur. Në klipin që bën xhiron e internetit, Moshiri duket se e kupton atë që ka ndodhur, ndryshon tërësisht shprehjen e fytyrës dhe nis të lexojë një lajm për Boris Johnson.

“Live nga Londra, duke parë BBC News”, dëgjohet duke thënë prezantuesja. 

LEXO EDHE:
Investigimi i BBC: Roja bregdetare greke hodhi qëllimisht emigrantë në det! Në tre vjet dhjetëra refugjatë të mbytur

Megjithatë, fakti që pak çaste më vonë ajo tha "coronaverse" në vend të "coronavirus" në lidhje me pandeminë, tregon se ajo mund të jetë ndier nervoze.

Disa e kritikuan prezantuesen për mungesë profesionalizmi dhe të tjerë shprehën mirëkuptimin e tyre për gjendjen e vështirë në të cilën ajo u gjend.

S.S/KT/Shqiptarja.com

TAG:
• bbc