Ajo që dukej të ishte fillimi i një historie klasike dashurie pati një fund të shpejtë, ndoshta edhe për shkak të 'syrit të keq'. Mesfushori Derrickson Quiros, nga Club Xelaju, një ekip i divizionit të parë në Guatemalë, njoftoi përfundimin e fejesës së tij vetëm tre ditë pasi i propozoi të dashurës së tij për martesë në fushë.

Quiros u bë viral në rrjetet sociale kur u ul në gjunjë në mes të fushës dhe mori një 'po' që u shoqërua me duartrokitje dhe puthje, por lumturia zgjati vetëm 72 orë.

Tre ditë pas ngjarjes, Quiros përdori rrjetet e tij sociale për të konfirmuar fundin e marrëdhënies. Futbollisti kërkoi privatësi dhe theksoi se vëmendja e tij tani është përqendruar ekskluzivisht te futbolli.

"Tani jam i përqendruar në karrierën time, në ekipin tim dhe në vazhdimin e rritjes si person. Vlerësoj mbështetjen e njerëzve dhe shpresoj që ata ta respektojnë këtë moment. Faleminderit", shkroi ai mes të tjerash.

Ish-e fejuara e lojtarit gjithashtu përdori internetin për të dhënë mesazhin. Në rrjetet e saj sociale, ajo zgjodhi një mesazh të fshehtë. "Në fund të fundit, nuk do të ketë kurrë një përgjigje më të mirë se ajo që ofron heshtja".