VIDEO/ Interi tripletë 'kushërinjve' të Milanit, Superkupa e Italisë mbetet zikaltër! Asllani merr minuta

Interi mundi 3-0 Milanin në finalen e Superkupës së Italisë dhe mban sërish edhe për një vit trofeun. Fituesit e sezonit të shkuar kanë dominuar Milanin, duke marrë "hak" për dy humbjet e fundit që kuqezinjtë i kanë shkaktuar. Ndeshja e zhvilluar në stadiumin kombëtar "Mbreti Fahd" në Riad të Arabisë Saudite foli vetëm për zikaltërit, me djemtë e Piolit që asnjëherë nuk dolën në lojën e tyre.

Të besuarit e Inzaghit kaluan në avantazh pas vetëm 10 minutave lojë, kur asisti i Barellas u shfrytëzua bukur nga Dimarco. Mëngjarashi i Inter nuk mund të gabonte me portën e boshatisur duke e ndalur sferën në rrjetë. Në minutën e 21, Inter "hipotekoi" fitoren me golin e dytë. Edin Dzeko me një të djathtë mposhti portierin Tatarusanu.

Në pjesën e dytë, sërish loja foli për Interin. Duhej minuta e 77 që Lautaro të shënonte një nga golat më të bukur në karrierë. Pasimi i Skriniar nga gati 60 metra nuk u ndal nga mbrojtja e Milan, me argjentinasin që goditi bukur me të jashtme dhe e dërgoi në rrjetë.

Në minutën e 84 të ndeshjesh kishte vend edhe për Kristjan Asllanin, që mori vendin e Calhanoglu. Inter del me kokën lart nga finalja e Superkupës, duke "ngjyrosur" sërish trofeun zikaltër. Trofeu i parë i sezonit shkon për Interin, me Milan që do duhet të korrigjojë shumëçka në lojë.

Rendit zhvillimet sipas orarit:
Ora 22:55
Stefano Pioli pas humbjes me Interin në finale: Nuk po jetojmë momentin tonë më të mirë

Trajneri i Milan, Stefano Pioli komentoni për Mediaset humbjen e të tijve në finalen e Superkupës kundër Interit 3-0.

“Luajtëm një pjesë të parë që nuk ishte e duhura për një ndeshje si kjo, duke bërë shumë gabime. Më pas u bë një ndeshje e komplikuar. Ne u përpoqëm ta rihapim atë me një fillim të mirë të pjesës së dytë, por në përgjithësi bëmë shumë pak.

Si i shpjegoni gabimet e disa prej lojtarëve tuaj kyç? Ne nuk jemi mësuar të komentojmë këto gabime, veçanërisht nëse i bëjmë kundër kundërshtarëve që ju ndëshkojnë. Ne nuk po jetojmë momentin tonë më të mirë, duhet të bëjmë më shumë", tha Pioli.

Ora 22:48
VIDEO/ 'Braziliani' i Kombëtares, si Kristjan Asllani nxori bllof Hernandezin me një lëvizje në finale

Kristjan Asllani u fut në fushë në minutën e 84 në vend të Calhanoglu, në finalen e Superkupës së Italisë, aty ku Inter fitoi 3-0 me Milanin. Mesfushori shqiptar ka bërë një veprim që po përmendet shumë në mediet tej Adriatikut. Në fundin e ndeshjes, Asllani ka marrë një pasim dhe me një veprim plot fantazi ka nxjerrë bllof Theo Hernendez, duke treguar klasin e tij.

Ora 22:30
Triumfi në finale me Milanin, Inzaghi: Bëmë ndeshjen perfekte, është e mrekullueshme

Pas sukseseve në Superkupën e Italisë në krye të Lazios në vitet 2017 dhe 2019, Simone Inzaghi e përsërit dy herët edhe me Interin. Është Superkupa e tij e katërt e Italisë, e dyta radhazi pas asaj që fitoi kundër Juventusit një vit më parë.

"Djemtë ishin shumë mirë për të luajtur një ndeshje perfekte. Të kthjellët dhe kompakt, sonte ne po e shijojmë këtë trofe dhe duke filluar nga nesër do të mendojmë për kampionatin. Të fitosh në një ndeshje si kjo kundër Milanit në një finale është e mrekullueshme", tha Inzaghi.

Ora 22:23
Veprim i çuditshëm në finalen e Superkupës së Italisë, topi i golit të parë vendoset 'në kornizë'

Inter fitoi 3-0 me Milanin në finalen e Superkupës së Italisë. Tej trofeut, pas golit të parë nga Dimarco një veprim i çuditshëm i arbitrit u pa në transmetim. Gjyqtari i katërt mori topin dhe e vendosi në një kuti xhami. Nuk dihet nëse topi me të cilin u shënua goli i parë do dalë në ankand apo do qëndrojë aty deri në finalen e vitit që vjen.

S.DH/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Nga se shkaktohet paraliza e gjumit dhe çfarë ndodh gjatë saj

Nga se shkaktohet paraliza e gjumit dhe çfarë ndodh gjatë saj